[صـاحي و رايـق]

اقتباس:  المشاركة الأصلية كتبت بواسطة الصافي     [align=center]صاحي ورايق هلابك [/align][align=center] تحياتي لك اسمع وانا خوك انا متزوج لي ثلاثة أشهر وابا اعطيك تجربتي عسى ان تنفعك انا متزوج متأخر وعسى ما انت مثلي المهم الحمد لله دخلت بيتي بس أول ليله كنت فرحان بأني كملت نصف ديني لكن ما تعودت على عيشة الحياة الزوجيه كنت عزوبي وعزبتي دايم بموتري ومتى ما طرت تليتها للبر ونزلت العزبه وصلحت قهوتي ولا طاب خاطري رجعت للبيت ( بيت اهلي طبعاً ) قبل الزواج ، بعد الزواج تغير الحال وضاق صدري من هالتجربه والاستقلال ببيت لوحدي ومع انسانه لم يسبق لي أن رأيتها في حياتي وواجهت صعوبه في بداية الوقت وحتى النوم احيانا انام لحالي ماودي انام على السرير متعود على النوم على الارض بس الحمد لله صبرت اول ثلاثة ايام وتأقلمت شوي وبعدين تليتها للطايف اسبوع هناك لما زانت الامور شوي اكثر وبدينا نمون علىبعض شوي وراح كثير من الحوائل والعوائق بيننا والحمد لله ورجعت للديره واخذت اسبوعين وجازت لي السفره وتليتها مره ثانيه للطايف وقعدت اسبوع بعد وهالحين الحمد لله الفضل لله مرتاح جداً مع زوجتي . المسأله تبي صبر بس وسؤال الله التوفيق وهالشي اللي يجيك جاي ناس قبلك ماهوب انت لحالك وعسى الله يوفقك ويسهل امرك دنيا وآخره . أزكى تحيه لكاتب الموضوع .[/align]

هلا وغلا بـ الصافي
ومبارك عليك
والله يرزقك الذريه الصالحه اللي تكون سند وعون لك في حياتك
,
رهيبه منك كلمة (( تليتها ))
بعد ما قرأتها صدقت إنك راعي فلة إحجاج قبل الزواج
,
دائماً مع الصبر يأتي الفرج
ودائماً بعد العسر يأتي اليسر
والصبر بكل حال مفتاح للفرج
لكن أنا للآسف ما فيني أصبر
أنت في زواجك ما طولت المسأله معاك
لو تتوصل للشهر
لكن أنا بعد ما عدا شهر علي
قلت أهم ما علي نفسي وصحتي
والصبر لهله مو لي
وبعد ما تتم عملية إنفصالي من هذا الزواج
أقول : ليتني لم أقدم عليها وليتني متخذ الصبر حتى تنحل أموري
لكن فات الفوت ما ينفع لا العويل ولا كلمة يـ (( ليت ))
,
الله يوفقك يـ غالي
وتحيه من القلب إلى قلبك
وعوافي عليك