السلام عليكم ورحمة الله وبركاته اليوم كان أول تمرين استعدادي لـ الجولة الجاية ضد الجار .. بدا التمرين الساعه 7 .. وبدايته كانت بـ دائرة كان فيها كل اللاعبين .. ويتمرنون تمارين اطالة بعدها ترك المدرب اللاعبين اللي شاركوا اساسيين ضد الشباب يلفون الملعب .. عدا فيقي كان ماسكه المدرب يكلمه تقريباً 10 دقايق .. وبعدها خلاه يكمل لف معهم وواصل اللاعب اللي ما لعبوا ضد الشباب تمارينهم اللياقية .. فـ هالوقت كانوا الحراس [ كميل - حسن ربيع ] يتمرنون ع الجهة اليمين من الملعب مع مدرب الحراس خودير .. بعد ما انتهت التمارين اللياقية .. خلى كل اللاعبين يشوتون ع الحارسين .. تقريبا كل لاعب شات 10 شوتات وبعدها بدت المناورة ..(أول ما بدت دخلوا اللي كانوا اساسيين ضد الشباب داخل لـ الحاكوزي وذا) اللي كان أبرز ما فيها .. أن المدرب كان معتمد على عبدالغني وشايع مهاجمين ! (نقول ان شاء الله بيعتمد عليهم الثلاثاء !) ريان كان ملعبه مدافع .. الزيلعي كان لابس تيشيرت برتقالي .. ويلعب مع الفريقين المبارك سجل هاتريك ! وطبعاً كانت ثلاث أرباع المناورة تسطيح كور من ميشو ! وفريق سعد الظاهر كان متحدي الفريق الثاني .. وانهزم فريق سعد وبعد المناورة قاموا يذبون عليه ويضحكون معه وبعد المناورة ريحوا اللاعبين شوي .. وجو اللي كانوا لاعبين ضد الشباب وجلسوا فـ نص الملعب مع كحيلان والسلهام والقريني .. وبعدها مشوا اللاعبين .. # خالد راضي ما شفته ! .. لكن معيض يقول أنه دخل شوي وطلع ! .. مدري كانه اعتذر ومشى ! .. والله يستر لا يكون اصيب من مباراة الشباب ! # البحري تمرن تمارين الاطالة والتمارين اللياقية .. وبعدها خلاه المدرب يلف الملعب . # عبدالعزيز هوساوي تأخر ما دخل الملعب .. ومن دخل وهو يلف الملعب .. وما خلاه المدرب يوقف الا بعد ما مشوا اغلب اللاعبين . # الدوخي وابو عمر كانوا من أكثر المتميزين فـ التمرين .. ! # حضر من الجانب الإداري [ كحيلان - السلهام - القريني - عمران ] # تواجد مجموعة من لاعبين درجة الشباب [ عبدالله العنزي - أسامة عاشور - سفياني - ناصر الصالح ] # حضور الجماهير كان طبعاً أقل من عادي . # انتهى التمرين تقريباً 8 وربع . # ريان بعد التمرين جلس يتكلم مع مساعد المدرب ربع ساعه تقريبا . # آخر من مشى من اللاعبين من النادي كان سعد . 24 صورة من التمرين ..
مع السلامة,