[سكر الأرض]

اصبروا الحين تحجرمون تبون فلوس تحسبونه الدراهم اللي تووون ...
دي مش خمسين ريال ابدا واللهي
انها خمسون من السنين ..
نتج عنها شيب ملئ الخدين..
وكرش اثقل القدمين ..
حتى باتت الركب تأن تحت وطأته انين الباكي الحزين ..
لينطلق مارد كهلنا معلنن تمرده على خطوط الجبين..
مثبتاً لمن حوله انه مازال يافعا في العشرين ..
مراهق في الخمسين..
مصطلح يتردد كثيرا.. يعني ماتفرق هو طق الخمسين او الستين او حتى الاربعين النهايه وحده
شويب طلق مريته بعد رفقة سنين وتلفت وسعابيله تقوطر لأم عشرين ..مادري يعني هو يقالن اني مرغوب من هالبني ومحبوب وجذاب ولا وش القصه
ووحده ملت احدى مجالسنا النسائيه بتذمر مللنا منه تقول رجلي بس مقابل هالنت وصاكن البيبان وبعد طاقن الخمسين وزود
والعجب العجاب نطن اكثر من وحده يقولن وحنا بعد طيب يقابل النت بيدينه ورجلينه ماقلنا شي بس صك البيبان وشوله..
وثانيه تحلطم وعيونه تغورق وتجحد غياب ابو الشباب الممسوك بقضيه اخلاقيه ومزجوج به في غياهب السجون وبعد تجاوز هذه الخمسين بجداره..
مادري هي لعنة الخمسين ولا هبال الستين تسمى اللي تسمى ماعلينا المهم وش سالفته
سؤالي هل هالمراهق المزيون موجود في منتدانا الحلو .. ياليت عضو جريئ يحكي لنا هلوسات هذه السنين ويمدنا بفرطه لهذه الخمسين ليحللها الى فئات وعينات اقل ...