لاتتبع المقفي ولو كنت تغليه
تتبع المقفي من صفات المهونه
من كان يوفي بالمحبه بنوفيه
واللي صدق بالحب لازم نصونه
ومن بدل الأحباب لازم نخليه
ونمسح هوى قلبه ورسمه ولونه
ونكتب سطور[ن] واضحات بتجافيه
بيعه مثل ماباع باللي يبونه
من يرخصك بالقلب ياكيف تشريه
قلبك ترى يقدر يكمل بدونه
ماكل من باح الهوى صادق [ن] فيه
صدق الهوى يعرف بنظرة عيونه
واللي صفا لك لازم انك تصافيه
لاتظلم احساسك بيوم وتخونه
صعب [ن] تلاقي لك صدوق [ن] تخاويه
الوقت هذا كاثرات [ن] طعونه
</b>