[align=center] اقتباس: هناك من يضرب لإسباب ليس لها علاقه بالمصلحه بشهادة كثير من الشباب أيييه الله المستعان قالي رح جب عصى ..... وشوله ؟ علشان يكسّره على يديني في سادس إبتدائي (أوف أوف أوف طلع غبار ) طلبت من المعلم / بعد إنتهائه من الشرح جلس على الكرسي وبدا ينووود ( شايب وآخر درس ) أستسمحت منه بأدب ابي أطلع واروح لدورة المياه أعزكم الله المعلم نزل راسه على أنه سمحلي إني اطلع ويوم جيت أبطلع قالي تعال أنت قليل أدب أنا قليل أدب ياللي ماتخاف الله أنا قليل أدب والله إني آدب واحدن عندك وكنت ما أتكلم أبد دابة سليمه دايم الدوم أقعد على الساس (نعمه )(تذكرت بنوتتي الصغمبوطه لقالت بابا أدب ياملحه ياناس) المهم قاللي رح جب عصى أجيب عصى علشان يضربن به واروح آخذلي دوره ورجعت قلت له مالقيت عصى قاللي اجلس والله واستانس وتطخني السعاده .... ولم تكتمل السعادة حيث انه ذهب لإحضار عصى وبدت الخشش تطول وتنمط وتتغير ملامح وجهي البريء . جاااااء ومعه خشبه مادري منين جايبه شكله طلع وجابه من العماره اللي بجنبنا ... أثره يكرهني مهوب صيده إني قليل أدب على حسب كلامه قاللي تعال .. قلت وشووو ... تعال هنا ... هماه تقول خلاص أقعد ... ويجي لمّي مسرررع يمممه ويقوللي وشوله تبي تطلع وانا اقول لا قلت أصلن أنا ماسمعتك شفتك نزلت راسك وحسبتك تقول ايه والله ويجلدن مع اي مكان يصادفه ورضح أيديني ...الدعوه نحااااااااسه هي خلاص ياخي تكفى والله لعلم ابوي .. والتفت واثر واحد بجنبي يضحك وتزود صيحتي وش تضحكله انت بعد يعني الحين حتى لو طلعت بدون إستأذان رايح لدورة المياه يستهال كل هالتخريع المشكله إني من الناس الجيدين عنده ومؤدب وطالع الثاني على الفصل يعني مهب من عاداتي لاااا وخصم عليّ درجتين من الماده . [/align] [line]-[/line]