الحديث للداشر عراد :
يقول اخوي الكبير .. عرفنا يا عراد أنك داشر من وجهك .. على فكرة كلمة ( من وجهك ) تكفي لنعرف أن المسألة فيها شي ( سلبي) ..
شلون عاد لو عرفتوا انه قال بعد ( شف وجه العنز واحلب .. ) ..
الكثير من المتخصصين في نفسويات الداشرين يقولون إن الرسائل السلبية هي الي تصنع شخصية ( سلبية ) معينة ..
انا والعياذ بالله مني ومن كلمة أنا .. احد من عانوا من ( شحنة ) عبارات سلبية من عائلتي المصونة عن (نجاستي ) و ( شطانتي ) الفطرية ..
يعني حتى لو كنت أنط من فوق جدار السور وعمري 6 سنوات .. وحتى لو كنت أقصقص شعر أمي وهي نايمة لين أملئ المبخرة من شعرها وأبخرها منه ..
وحتى لو فتحت (برميل ) الغاز في الحوش لين يفضى البرميل ..
وحتى لو كبيت ( شطة كرستال حجم كبير ) في غداء عزيمة أمي مع مديرتها .. كل هذي وغيرها مما لا يتسع المجال لذكره – وعمري 6 سنوات - لا تعني أني شيطان بالفطرة ...
والله ظلم !
هذي الرسائل السلبية الي كنت أتحدث عنه .. فانتبهوا يا جماعة الخير .. تجنبوا الرسائل السلبية الله يجزاكم خير ... مهما كان أعطوا رسائل ايجابية لعيالكم.. والرزق على الله
أحس آخر جملة مو في مكانها بس يا لله ما عليه ..