اخي الهرم
لو انا الهرم مااحترت لما يملكه من حسن تصرف ومنطقي بتعامله ...
لكنه عندما طلب الآراء فهذا اعده تواضع منه ....
بما ان الناس دخلوك بيتهم وشفت بنتهم ووثقوا فيك
اكيد بتقدر نفسية بنتهم وتكون حريص كل الحرص انك ما تجرحهم وهذا إن دل على شيء فإنما يدل على نبل اخلاقك
سالفة اصفط هذي تشيلها من قاموسك لانها ما هي مقبولة..تخيل ان البنت اختك وياعمري تلقاها طول الليل تفكر فيه وبالزواج وبعدها ترد عليهم بفتره طويله قضت فيها البنت التفكير في الزواج انك ماتبيهم ..شوف وش السيناريو اللي تحس انه مايضايق اختك ولايضايق اهلك ولا يضايقك اذا انت اخو البنت
وعموما ممكن تقول انك صليت استخارة اكثر من مرة واكيد بالطبع انت استخرت وما ارتحت
خلك قمة الذوق واعتذر لهم باسلوب راقي بارك الله فيك .. او مو شرط انت خل امك تقولهم ان بنتهم ماعليها وماتنعاف وكل شاب يتمناها بس الولد استخار والخيره فيما كتبه الله ..
او اضم صوتي لصوتك بس احذر انك تعيب نفسك عشان يقنعون لأنك بكذا بتكون اسأت لنفسك والناس كمان يتخابرون وتنتشر سمعتك انك كذا وكذا بعدين لا جيت تتزوج بتتكسف وإن كان ودك تدور عذر قل جتني سفره مفاجئة ومادري متى ارجع هذا احسن بكثير من انك تسيئ لنفسك
وإلا مادامك شفته واعجبتك مو لازم الراحه لان الراحه تكون بعد الزواج لان البنات الحين كثار وماليات البيوت بس قليل اللي تصلح للزواج بس هذي فيها مجازفه
وماتحثت به انت كانك تتحدث عن اخي وعدم راحته لخطيبته ...