السلام عليكم
انا اللحين راح اسولف لكم
مره انا كنت مسافر لاحد الدول الاوربية وحجزت من مطار الرياض لمطار ابوظبي ومن ابوظبي الى الدوله اللي ابروح لها 00 المهم انا مدة السفر 10 ايام خليتها وحطيت لها ميزانية لي للرحله 20 ألف ريال00 وصرفت انا 2000 ريال دولارات والباقي خليت الصرافه معي علشان اسحب من هناك ورحت لمطار الرياض وتأخرت عن الرحله وراحت علي الطياره اللي رايحه لابوظبي ايش اسوي خساااره قلت ابروح اشوف اي طياره تكون رايحه لابوظبي علشان اروح قبل ماتروح الطياره اللي راح تروح للدوله الاوربية00 ورحت لمكتب الخطوط السعوديه اللي بالمطار وقلت ابي اقرب رحله تكون رايحه لابوظبي قالي ما فيه الا رحله تبي تروح لدبي مو لابوظبي قلت له مو مشكله قص لي تذكره ورحت لدبي وركبت تاكسي وقلت له وصلني لمطار ابوظبي وانا قلبي يطق خايف تروح على الرحله اللي راح تروح بي للدوله الاوروبية والحمد لله وصلت لمطار ابوظبي وقدرت الحق على الطياره 00طبعا هذي اول موقف محرج حصل لي بالرحله هذي
يوم وصلت وجلست عشرة ايام في هذه الدوله طبعا موعد العوده الساعه 6 مساء وانا طبعا اخذت كل حجوزات الفندق وحجوزات الطيران عن طريق مكتب خطوط ويوم خلصت وابرجع للسعوديه
الزبده انه انا في اخر يوم لي طلعت من الفندق الصبح قلت ابروح اتسوق ولا رجعت للفندق الا الساعه 3 الظهر يوم رجعت طلعت كرت الباب ابفتح باب الفندق ما قدرت بلشت ايش اسوي00لقيت عامل النظافه قلت افتح لي الباب وفتح لي الباب يوم اخذت شنطي علشان ابرجع للسعوديه يوم نزلت للاستقبال حق الفندق علشان اعطيهم كرت الباب قالوا لي نبي منك 180 دولار حق ايجار يوم ثاني 00 طبعا انا ما اعرف اتكلم انجليزي لاني معي مترجم بالرحله قلت كيف تبي تخذون حق يوم ثاني وانا متأخر ساعه بس 00 وبديت اهوشهم بلغتنا واوريهم ان غضبان ههههههه طبعا هم مايدرون ايش اقول بس يدرون اني معترض عليهم 00ثم قالوا للمترجم خلاص راح نوافق اننا ما ناخذ فلوس حق اليوم الثاني واستغرب العامل حق الفندق اللي شال شنطتي استغرب لان الفندق مااخذ مني فلوس حقات اليوم الثاني وقال انكم محظوظ لانهم لم يأخذوا منكم فلوس قاله المترجم ليش قال لان الفندق قليل يسامحوا
المهم رحت للمطار يوم جاء يقصل لي البوردنق قالي ما فيه بيانات لك
المهم الحمد لله دخلون للطياره وحجزولي بعد ما صارخت عليهم
طبعا يوم وصلت للسعوديه وجيت لبريده رحت لمكتب الخطوط علشان استرجع فلوس تذكرة الرياض الى ابوظبي يوم دخلت لمكتب الخطوط شافني المصري اللي قص لي التذاكر قالي انتا سافرت قلت ايوه قالي اني كنسلت كل حجوزاتك قلت له ليش قالي لاني شفت اسمك موجود بالجهاز
وعرفت ان السبب يوم اتبهذل بمطار اوروبا بسبب ان المصري كنسل تذكرتي
=====================================