دموع الغاليه الغاليه هذي عمتي وهالعمه له ولد يدرس برى ومن زمان ماشافاته وهو رافض انه يرجع للسعوديه على اساس انه يبي يعيش هناك .. المهم كان معي ولد عمتي يسولف معاي بالماسنجر قبل صلاه العيد المهم استأذنت منه وقبل لا اطلع وصاني اوصل كلام للامه وسلامه له مع انه يبي يكلمه بس قال وصل سلامي له قلت تامر امر وعد سلامك وصل .... المهم بعد ماعايدت عمومتي دخلت على الحريم وعايدت عماتي كلهم وسواليف وكركره تلفت ادور عمتي ام الولد الي يدرس مالقيته .. سئلت عنه قالوا انها فوق وتبي تنزل بعد شوي المهم انا طلعت من الحريم ورحت عند العمومه والشيبان الي قاضيه مابهم عقل ههه الله يخلف بس جلست لي شوي ودقت علي عمتي قالت تعال ابعايدك ماشفتك دخلت عليه وعايدته وبسمته على شفاته مايوصفها بشر المهم قبل لا اروح عنه قلت معي وصيه وسلام من عزيز وغالي عليك وهي مبتسمه قالت من مين قلت من ولدك انه يقول سلم لي على امي وتراي ولهان عليه بقوه . انا قلت هالللكلام وبدت دموعه تنزل والعبره تخنقه خنق ودموعه تنزل قالت يا بدر تكفى اقنعه يرجع والله العظيم بيضيع هناك وانت عارف هذا راس مالي ... لا يضيق خاطرك ياعميمه باذن الله بيرجع قره عينك وبتشوفينه باقرب وقت