بلـادي :
لوسمحتي..!!
ابيك بسالفه ممكن؟!!
من رحلت وكل ضلع وكل عرق وكل جرح وكل حرق وكل نبض
ومجمل انفاسي وانتكاسي وانكساري وانتظاري
وكل لحظات انهياري ودمع عيني وصوت :ويني؟!
وما بقي في حروفي من كلام ومن عتاب ومن غياب
ومن ملام وحلم مات وحلم راح وحلم طاح وحلم نام..
. وبرد ليلي وانخذالي واشتياقي واحتياجي واحتراقي ...
والكئابه والرتابه يسألوني وما لقو عندي اجابه:
ليش أحبك يا بلادي واعشقك واموت فيك؟!
وكل فرح آحاول اني افرحه يا بلادي يموت فيك؟!
ليه تلفظ ضحكتي انفاسها بين ايديك؟ّ!
ليه يعني يا بلادي كل هذا يصير فيك ؟
لو رحلت شلون اجيك؟؟
علميني يا بلادي..
لو غدى وجهك الخنجر وصارت عيوني جروح
وين اروح؟!
لـ انذبح حلمي في بلادي يا بلادي
وين اروح؟!!
يا بلادي
ما بقي فيني وجع..
لي صارت آمالي تموت
وعلى ارضك تندفن
دمعي كفن..
واحضانك التابوت
وما بقي في الروح روح
علميني يا بلادي وقتها ...
وين اروح ؟!!!!
يا بلادي ...
لـي انوصفت برغم عزي ورغم صدقي ورغم طهري ورغم كل اي رغم ممكن يخطر بذهن شاعر طاهر فقير .....بالحـقـ .....؟!
وين اروح ؟!
يا بلادي ...
راح عمري وانا ازرع هالوفا في قلوب الناس واهديهم قصيد
كيف اخون؟!!!
فهميني؟!!!
لـ انوصفت بهالبشاعه!!
وين اروح؟!
لـ انطعت بهالفضاعه!!
وين اروح؟!!
وين اروح؟!!
يا بلادي ...
كنت اسولف فيك عندك ولك
وكنت اصيح بكل ما فيني من الم منك :محتاج لك
وانتي اغلي شي ممكن امتلك
لو خذلني وقتها رملك
يا بلادي وين اروح؟!!
يا بلادي ...
منين الاقي لي بلاد تحس فيني؟!
وتحتويني؟!
لين صرتي كل جهاتي
ولين جيتك....
كنتي المنفى وكل معنى للبعاد
يا بلادي لو انوح وكنتي كل اللي على شانه انوح
وما تحسي...
وقتها يا بلادي وين اروح ؟!
يا بلادي..
لين اطل من شبابيك المطار
بكل ذاك الدمع في وجهي ..
وبمراره وانكسار..
لين شاف الناس.. كل الناس دمعي!!!
و انتظر كلمة منك
وما الاقي غير روح
وين اروح؟!
يا بلادي..
ما ابي شي منك ..
مو خذيتي كل عمري ؟!!
مو كسرت ظهر طهري؟!
مو علي ارضك انخذلت الفين مره ؟!
مو تركتك من سنين؟! وكانت اكابر واتصنع انها غيبه وراجع؟!
واكثر سنين عمري راحت في الغياب ..
لو سمحتي الحين جاوبيني ..
ليش أحبك يا بلادي واعشقك واموت فيك؟!
وكل فرح آحاول اني افرحه يا بلادي يموت فيك؟!
ليه تلفظ ضحكتي انفاسها بين ايديك؟ّ!
ليه يعني يا بلادي كل هذا يصير فيك ؟
لـ انذبح حلمي في بلادي يا بلادي
وين اروح؟!!
لو رحلت شلون اجيك؟؟
ما بقى لي شي فيك
ما بقى لي شي فيك
ما بقي اي شي فيك
يا بلادي...
باقي حاجه
برغم ما عمري طلبتك اي حاجه..
.
.
فهّميها...
اني اصدق ...
اني اوفا..
اني اطهر..
واني انظف..
واني ابسط..
واني اكره ظلمها لي ..
وجرحها لي ...
وذبحها لي..
وخبريها..
انها اكثر أنسانه عشقت ..
وانها كل شي بحياتي ..
.
.
وأني مت....