[أسيل محمد]

تدري وش المشكلة ياخوي ان قانون العيب يحاصرنا ويحاصر احلامنا ...
اما بالنسبة للزواج التقليدي اللي الحين حنا عليه اللي هو...
اأن البنت تذكر للشاب بعدين يروح هو يشوفها بدون اهله لانه هو اللي بيتزوج والأهل يحوسونه وذوق الحريم يختلف عن ذوق الرجال بعدين إذا اعجبته بتملكون على بعض بعدين يكلمها وتكلمه بدون ماتطلع معه وبكذا يتعرفون على بعض اكثر .. وهذي الطريقه من وجهة نظري مناسبة ... منها مانطلع عن التقاليد والعادات لأننا لابد وأن نحترم رغبات المجتمع الذي نعيش فيه ولا نخالف قوانينه ولكن لابد وأن نوجد حلا وسطي يرضي جميع الأطراف .ومنها نواكب العصر يعني نضرب عصفورين بحجر


وفي السنوات الأخيره ازدادت نسبة الطلاق لكن السبب ماهو بطريقة الزواج كثر عدم فهمهما لبعضهما .. قد يقول احدهم كيف يفهمون بعض واصلا مافيه علاقه من قبل اقولك العلاقه اللي قبل مااحس انه بتجيب نتيجه اكيد بيحاول كل طرف يظهر بأحسن صوره وماراح يعرفون بعض إلا بعد العشرة .. والحين اكثرهم يملون من المكالمات وش عاد لو بتطلع معه ..
لو كان فية دورات قبل الزواج وكيفية التعامل لحلت كثير من المشاكل ..
واما بالنسبة للتوافق الفكري اكيد الأهل بيسألون عنه وبيعرفون كل شيء بحياته .وبيسألون عن كل كبيره وصغيره عنه .. طبعا اتكلم عن مجتمعي ..

ماهو الزواج التقليدي بنظرك ..؟؟؟

ماكتبته تبقى وجهة نظر ربما لا تقدم ولا تؤخر ..

اشكرك
ووفقك الله ورزقك الزوجه الصالحه التي تعينك في امور دينك ودنياك ..

جندوانا