امس صار موقف تووووحفه
دقت علي بنت اخوي وقالت عمه جت لمي وحده بالمدرسه وقالت تعرفين فلانه قلت ايه تصير عمتي قالت ان اختي الكبيره تبي رقمه ضرووووري وش رايك اعطيه اياه
قلتانا من بنته قالت بنت الفلان انا ماعرفته الصراحه بوقته قلت لا مالي خلق عساي ارد على اللي اعرفهم مااطيق القرق بالتلفون
المهم اليوم الصبح اطرس الساعه8 ولا الجوال يدق انا نزيت اول مره يدق جوالي الصبح هههههههههههه
واطالع الرقم غريب طنشته ويدق ويدق وارسلت ردي ابيك ضروري
رديت وكانت المحادثه كالتالي :
الو
نعم
السلام عليكم
وعليكم السلام
كيف الحال
الحمدلله من معي
انا فلانه الفلان <<<نفس الاسم اللي قالت لي عنه بنت اخوي
ضحكت قلت من وين جبتي الرقم
قالت من مصادري الخاصه<<شكله بالبحث ههههههههههههه
المهم هي انطلقت تحسبن عرفته وانا مطيره عييناتي اغدين اعرفه
المهم يوم خلصت من الترحيب والتهليل ووووو
قلت تراي ماعرفتك<<<ماتعرف تجامل وتمشي
وتبدا تنبش بالماضي انا فلانه اللي ادرس معك بالابتدائي والمتوسط والثانوي<<<تخيلو دارسه معي كل هالسنين وناسيته قلت لكم لاعبن بي الزهايمر
بس تراي اوب عجوز متخرجه لي 3 سنين بس <<<موب عجوز ابد هع
المهم انا يوم عرفته خنقتن العبره تذكرت اللذي مضى وكانت هي من ضمن الشله
كنا عباره عن 13 بنت بشله وحده وانواع الهبال والهستره وكانو يسموننا شلة القطار <<مااذكر سبب التسميه
المهم وحنا نسولف قالت تذكرين يوم افلقتس ومير اللي تنط ام العبيد واتذكر ذاك الموقف الاليم اللي ماراح انساه ابد ومانسيته بس كنت ناسيه من هي اللي فالقتن
قصة الفلقه:::احداث هذه القصه تدور في الابتدائيه الستون بحي السلام<<ياحبي له بعد
كنا بخامس ابتدائي وكنا بفصلين وهالفصلين تقل جارات ماغير حرب وضرب حنا وياهم
وهي من بنات الفصل الثاني هي عريفتهم وانا عريفت فصلي
كانت هي دباااااا وشعره خشن وبيضاااااااا تقل مصريه وكنت اسميه المصريه وهي تسمين المايعه كنت ماارى الناس شي كنت مغروره نوعآ مااااا
المهم مره من المراريت كان عندنا حصة فراغ وبما اننا سببنا ازعاج للمطرسه نزلونا للساحه وقالو لنا لانسمع لكم اي حسسسسس قلنا حاضر
وانا العريفه حجرتهن بزاويه وقعدنا نسولف ومير تجي هي طالعه لدورات المياه <<<كانت دورات المياه بالحوش
قالت وش عندكم يالمايعه طالعين اعلم المديرررره قلت اصلآ المديره هي مطلعتنا[المديره كانت خيريه السلطان الله يذكره بالخير]
قلت يله بس يالمصريه روحي لفصلك المهم تطاولنا الالسن وراحت ويوم صار بالطلعه واخر من طلع بالفصل انا اثره هالدبيه متقعده لي ورا الباب وطاااااااااااااااااخ بيده اللي كبر الباب ويضرب راسي بالجدار واطيح على الطاوله والطاوله قلبت بي على ورى<<<حادث مأأأأساوي
وسالت الدماء للركب واصييييييييييييييييح وجت ماماتي وودون للمستشفى يوم قمت اثرهم محلقين جهه من راسي عشان يخيطون الفلقه واااااااااااااااااااااا ماتسمع الا صراخي
كنت اقدس شعري كنت انا وصديقاتي قاصين نفس القصه كلنا واذا مرت من عندنا نترقص بشعورنا بنغره شكله صار بعينه
حتى هم الله يهديهم لو محلقين شعري كله كان اهون لا بس محلقين مكان الفلقه صاير شكلي يخرررررررررررررررع تقل ساحره هههههههههههههههه
ايه ذكريات حلوه
لاتذكرت سالفه اخرى للدبيه جيت وقلت لكم
سي يوووو