[الفتـ الذهبي ـى]

ما أظن صعبه إذا بتطريني / تمدحني
وإلا بلاها .. تجيب إسمي على لسانك
تدري وش اللِّي سمعته واللِّي يصدمني
إنِّك تذمْني .. وتتباهى .. بنسيانك !!
الطعنه منِّك تجي وشلون تذبحني ؟
الصفحه بيضه وتدَّمرها بألوانك ..!
تقول قلبك : عِجَـز فيني يعلِّمني
ما يكفي قلبي حفظ أسرارك وصانك ؟!
كبَّرتك بعين غيرك .. لا تصغِّرني
ما هانت العشرهـ عندي وما وطا شانك
يا صاحبي ودِّي أسأل ليه تكرهني ؟
عطيتك أفراح عمري وشلت أحزانك
ما قلت : حبْني غصب ما أبيك تعشقني
على القليله إعتبرني حسبة إخوانك
شكراً جزيلاً .. لأن الوقت علَّمني
وقلبي رغم كل كلامك شوف ما هانك
وش يعني الموت قول الموت وش يعني ؟
" الموت " إن شفت اللِّي تأمنه خانك