فراش ووساده
هالصوره الي فوق ذكرتي بموقف صار تقريبا قبل شهرين او ثلاثه.. كنا جالسين اربعه اشخاص نلعب بلوت تقريبا على حدود الساعه 12 بليل .. وكان معنا واحد متزوج ويلعب معنا .. المهم مع اللعب اخذنا الوقت الى تقريبا الساعه 3 بليل ..وكان جوال المتزوج يدق ويدق وشكله زوجته تدق عليه ولا يرد او يعطيه مشغول .. يعني متحمس مع اللعب .. المهم الساعه 3 استأذن وراح للبيته وبقينا ثلاثه ..وشوي الكل مشى بقيت انا بلحالي بالاستراحه اتابع فلم ويعني اول مايخلص ابطلع واروح للبيت انام .. المهم على حدود الساعه اربع سمعت احد برى فتح الباب ودخل بعدين طلع وسكر الباب .. طلعت اشوف مين الي دخل وطلع .. مالقيت احد 
رجعت للفلم وكملت متابعتي .. بعد ربع ساعه دخل على خويي الي متزوج ورايح للبيته .. استغربت جيته قلت وش جابك قال لي ابجلس شوي وابروح انت تبي تطول ؟ .. قلت لا ابشوف هالفلم واطلع انام ليش تبي شي ..؟ قال لا ابد سلامك بس كم باقي له ويخلص ؟ .. قلت توه يبي له شوي ...
المهم جلس يتابع معي الفلم وهو مر دايخ وبه نوم .. شوي قام وطلع راح للسيارته .. رجع ومعه بطانيته ووسادته .!!!
قلت وشولوه ذولي .. قال ام العيال زعله وراه ابطي عن البيت واني من اليوم ابيك تطلع مابيك تدري وفشلن منك وانت عله منتب طالع الحين .. الشكوى لله الحين دريت بس ترى الموضوع بيني وبينك تكفى لا يدرون العيال يضحكون ..
انا من قال هالكلمتين وانا عيوني اربع اربع تقطعت تسبدي من الضحك .. تخيلته بالحوش صاكه عليه الباب وتحاتسيه من ورى الدريشه ويقول له افتحي وهي تقول لا رح للسرابيتك خلهم ينفعونك ههههه 