[ღ♥ღ KSA ღ♥ღ]

اقتباس:  المشاركة الأصلية كتبت بواسطة بن خوري     مساكم الله بالخير وصبحكم الله بالخير .. بعد الاستئذان من حبيب قلبي ابو دمجه بخصوص كتابة الموضوع راح اعطيكم اهم النقاط اللي شفتها اليوم بالاجتماع .. وقبل مابدا فيها احب اشكر تايه اللي تعبته معي اليوم في نقل الحدث .. واعتذر لرائد ( اهلاوي عرعر ) اللي كان المفروض ينقله لكم بعد مارجعته لبيتهم وهو كان طالع بس تجاوب تايه معي بسرعه خلاني اصرف النظر عنه واقوله كمل هجولتك :d ... ماودي اطول عليكم وراح اخش معكم بالموضوع .. كثير من النصراوووين حاب يعرف تفصايل الموضوع بشكل دقيق وهذا الشي مانقدر نجيبه لكم ولا احد يقدر بعد ينقله لكم لان الاجتماع كان مغلق وكنا احنا في الدور الارضي وهم كانو في الدور الثاني وكانت الابواب بينا وبينهم تفتح عن طريق الارقام السريه فكان صعب ان الواحد يكون قريب من قاعة الاجتماعات ولكن القاعه كانت قريبه من عيونا .. يعني كنا نقدر نشوف الاشخاص اللي تتدخل وتتطلع من الاجتماع .. عشان كذا قدرنا نخمن ان فيصل عبدالهادي كان صاحب الكلمه الاقوى .. وراح افسرها لكم شلون ! اولا الاجتماع كانت بدايته الساعه 6 ونص تقريبا .. وكان مكون من 8 اشخاص .. رئيس اللجنه التنظيميه سلمان الخليفه ولكن لظروفه الصحيه امتنع عن الحضور وتواجد بديل له احمد النعيمي .. وكان الامين العام ميرزا احد المتواجدين .. وكان يمثل البحرين عضو باللجنه علي السنداوي ومن السعوديه فيصل العبدالهادي ومن قطر سعود المهندي ومن الكويت ناصر الطهار ومن عمان صالح الفارسي ومن الامارات راشد الزعابي .. كان النقاش على 3 قضايا .. الاولى منها مادار في لقاء المحرق البحريني وقطر القطري والثانيه لقاء النصر والوصل وكانت القضيه الاكبر .. واحنا راح نتكلم عن اللي يهمنا .. بصراحه في بداية الاجتماع كان مقر الاتحاد البحرين في مدينة عيسى هادى جدا وماكان واضح ان فيه نقاش قووووي .. لكن بعد ساعتين من الاجتماع كان فيه تصرف غريب وهو خروج راشد الزعابي مندوب الاتحاد الامارتي بشكل غريب .. وهو طالع صفق الباب بقوه .. وكأن الموضوع حسم للنصر .. لكن بعدها بربع ساعه رجعوه للقاعه .. وبعدها بشوي طلع هو ومعه مندوب الاتحاد القطري سعود المهندي .. بس الغريب ان سعود المهندي في خروجه ماكان يبي يكمل الاجتماع وطلع خارج مقر الاتحاد القطري .. وبعد محاولات مع احمد النعيمي رجع القطري سعود المهندي لقاعة الاجتماعات .. وبعدها بنص ساعه طلبو من الاعلاميين الدخول الى قاعة الاجتماع ولما صعدو الاعلاميين طلبو منهم النزول والعوده الى الاجتماع مره اخرى .. من الامور اللي صارت .. ان احمد النعيمي رئيس اللجنه طلع وتكلم لنا وقال .. تعبت معهم ومو قادرين نوصل للحل المثااالي .. فيصل العبدالهادي هو الشخص اللي كان هادي مع صالح الفارسي في الاجتماع خاصة انهم ماطلعلو .. فيصل العبدالهادي طلع مره وحده وهو يكلم جوال ورجع علطول ماطول .. بينما باقي الاعضاء زي ماقلنا المهندي والزعابي كانت اعصابهم مفلوته كثير ! بعد نهاية الاجتماع الزعابي رفض التصريح وقال مالي خلق .. هو والمهندي .. ولما التقينا بفيصل العبدالهادي واللي كان الوحيد قال : حاولنا اننا نفهمهم اللائحه ونوعيهم وان اللي صار شي مانرضاه بالسعوديه لكن هم شافو ان الامر عاااادي وتصير بالملاعب السعوديه وكانو ضد اتخاذ اي قرار بمنع الوصل من النهائي ولكن احنا في السعوديه نطالب بحقنا واذا كانو ممتنعين عن التصويت للقرار بسحب المباراه من الوصل احنا ماراح نرضى بان المباراه تذهب للوصل .. وللاسف ان الماده 12 اللي كنا نعتمد عليها كل واحد فسرها من وجهة نظره وهذا الشي ماخلانا نقرر شي من الانظمه .. ولكن هم وافقو على ارسالها للفيفا .. طبعا اللي قدرنا نوصله ونتاكد منه شغلتين .. الاولى ان قطر والامارات كانو في قرار واحد تغريم الوصل ماليا والسماح له بلعب المباراه النهائيه ! والمهندي كان بجيح جدا .. كان يقول حطو الوصل في المباراه النهائيه وامنعو الجمهور من الحضور ! والزعابي كان يقول نكتفي بالغرامه الماليه ! بينما ممثل الاتحاد البحريني كان واقف مع فيصل العبدالهادي .. اما الطرف الكويتي فقد منع من التصويت لسبب وهو ان اللي كان ماسك النقاش ممثل الكويت ولهذا السبب منع من التصويت .. اما العماني كان مثل الاطرش بالزفه .. ماتكلم ولا كلمه ولا قال شي .. ومن ناحية احمد النعيمي وميرزا احمد .. فكان عملهم تقديم الملفات الي تم النقاش ولا لهم دخل بالتصويت في اللجنه .. القرارات اللي طلعت من الاجتماع .. 1- تحويل القضيه الى الفيفا .. باسم الاتحاد البحريني واللي هو مقر اللجنه ! 2- لايوجد طرف ثاني باللقاء حتى يصدر قرار من الفيفا يحدد فيه لمتاهل 3- رفع تقرير حكم المباراه والمراقب الفني وترجتمها وارفاقها مع اشرطة الفيديو للاتحاد الدولي .. انا راسي مفتر .. مواصل ووللحين مانمت .. انا متاكد اني ناسي اشياء كثيره بالاجتماع واي واحد عنده سوال يقوله وانا حاضر على الاجااابه pb058 .. واعذرونا على القصور bp039 ..

111111111111