[الغريب]

عديت رجم في مراقيه كلفي

------------ خط القلم مافي ضميري وطاعه

برقت في عاليه حولي وخلفي

------------ راحوا هل الفزعات واهل الشجاعه

حوّلت ولا الجيل عدمٍ وتلفي

------------ شارب من القوطي بسن الرضاعه

في دارنا عادات الاجناب تلفي

------------ من دار جكسون وزرعوها زراعه

جابوا لنا موضه وقصات زلفي

------------ حتى الشعر حتوه شكله بشاعه

ما يلبسون لباس خالد وملفي

------------ ملبوسهم مستوردٍ به خلاعه

الدش ربى صاير الجيل جلفي

------------ حتى الولد متغير في طباعه

اذا نصحته قال وش لي بسلفي

----------- ما يعجبه سلمي وسلم الجماعه

ماغير بالعيشه نجيب ويعلفي

----------- كنه بهيمه ما وراها نفاعه

يسوق له موتر بخمسين الفي

----------- مشغول بالتفحيط ويا رباعه

ادب ولدك وعلمه يصير صلفي

----------- خله على الشدات يلوي ذراعه

صاحب ولدك وصيرله خير ولفي

----------- احرص وروحه غذها بالقناعه

مدري الجهل بالناس ولا الجهل في

----------- وليت ياجيل الفلس والصياعه

تقبلوا تحياتي ـــــــــــ الغريب ـــــــــــــ