[align=center]السنه هذي غريبه . جانا الشتاء ولا شفنا البرد الا أسبوع واحد بس .. أنا مره أقول الصيف أحسن من الشتاء وأذا جاء الشتاء قلت ياحبي للشتاء ههه . حتى منقهر مفصل ثياب شتويه روعه أقالي أبلبسهم بالشتاء ولا لبستهم أبد لاننا ما شفنا الشتاء ههه[/align]
[align=center]***************************[/align]
[align=center]ملاحظ أن الايام تمشي بسرعه من غير ما نحس . عادي يصير السبت ثم فجأة يجي الاربعاء .[/align]
[align=center]***************************[/align]
[align=center]فيه شئ أحس ان أكثر الناس متساهل فيها .![/align][align=center]
وهي ركن من أركان الاسلام ... وهي ( الزكاة ) .. أنا كنت قبل كم سنه يوم كنت صغير كنت أنسى ما أدفع أي زكاة . لانه غالبا فلوسي ما تكون ثابته .. لكن يوم كبرت صرت . أهتم بدفعها .
أي واحد منكم ياليت ينتبه للنقطه هذي ... ! لان أغلبنا متساهل فيها
وأحيانا يسألوني بعض الناس يقولون .. الذهب المستعمل عليه زكاة .. قلت لهم هذا محل خلاف . لكن الراجح أنه عليه زكاة .. ![/align]
[align=center]
***************************[/align]
[align=center]
قصتي مع الدكتور الجامعي :[/align]
[align=center]هذا قبل كم سنه يوم كنت طالب في حدا السنين . قلت أبكمل دراستي عن طريق برنامج الانتساب . ودخلت لقسم ( علم الاجتماع ) عاد في الترم الرابع . صار فيه موقف غريب لاحد أمتحاناتنا . كان عندنا على ما أعتقد مادة مداخل علم الاجتماع . ناسي بالضبط أسم الماده لأني ناسيها .. [/align][align=center]
المهم جلسنا على الكراسي وأبتدوا يوزعوا علينا أوراق الاسئلة وأوراق الاجوبه اللي راح نحل فيها .. وكانت الجامعه مسويه أسئلة فئة a وفئة b انا صارت أسئلتي فئة b . يوم وزعوا علينا الاسئلة وأوراق الاجوبة . طبعا الاجوبه كلها أختر الاجابة الصحيحه وصح وغلط . قريت أول سؤال وحليته . يوم قريت السؤال الثاني وأناظر الاسئلة كلها محلوله لنا ههههه .. وجي تطير عيوني . قلت وش هالأسئلة المحلولة لنا . ياحبي للدكتور حالن لنا الاسئلة .. ههه .. وانا عالطول بديت احل بسرعة لأنها كلها محلوله لنا . فجأة دخل علينا الدكتور وقال لنا تراه بقى على انتهاء الامتحان نصف ساعه فقط .. حنا استغربنا يوم قالنا بقى نصف ساعه . لأنه باقي ساعه . . قلت أنا بيني وبين نفسي . قلت أكيد قال كذا علشان يبي يلخبط بنا .. لانه عرف أنه مخطئ بتوزيع الاسئلة . أو علشان تكريم منه لنا . يبينا نستعجل . لانه حالها لنا وما وده يضيع الوقت .. طبعا كل الاحتمالات جت في راسي . . المهم خلصت مجاوب على الاسئلة وعطيتهم ورقتي .. وطلعت من الفرحه مستانس .. لاني ظمنت درجه 100 بالميه .. وجي أسأل صديقي . اللي بالنموذج a قلت له محلوله أسألتك .. قال لا وجي أستغرب .. وجي أروح لواحد من حقين أسألت نموذج b قلت له محلوله أسألتك . قال أيه .. وأثاريه الدكتور مجاوب لنا على نموذجنا حق b
ومن حسن حظي . أنه أخر أمتحان عندي . وجي عالطول أخذ شنطتي من الشقه . وأروح للمطار لأن رحلتي أول الليل . وأركب الطياره وأنا مستانس . يوم وصلت مطار الملك خالد الدولي بالرياض . جتني رساله على جوالي مكتوب فيها ( عزيزي الطالب .. أذا كنت في نموذج b فأنه تقرر بأن يعاد الامتحان يوم الخميس القادم . ) واو وشلون يستهبلون هم . حنا اليوم الثلاثاء ويبوني أحجز طياران مره ثانيه وأجي لمهم بعد يوم .. أنا بوقتها أنجن جنوني .. مو معقول . لأن الخطأ عليهم مو خطأ الطلاب . أنا قلت يارب وش أسوي . لانه لا يمكن ان اترك حقي يروح وانا معي الحق .
قمت أتصلت على محامي أعرفه .. وقلت له السالفه كذا وكذا .. قالي طيب . شوف ياعادل أذا كان الدكتور أكتشف خطأه وأنتم تمتحنون . ولم يسحب الاوراق منكم وسلمتوا أوراقكم وهو لم يسحبها من قبل .. فالحق مع الطلاب .. لكن أذا هو أكتشف خطأه وأنتم تمتحنون وسحب منكم أوراقكم وأنتم بالقاعه . ويعطيكم بدلا منها .. فهذا الحق مع الدكتور .. قلت للمحامي لا . الدكتور لم يسحب منا الاوراق وسلمنا الاوراق بعد ما جاوبنا على الاسئلة ومشينا .... قالي المحامي أذن فالحق معكم أيها الطلاب . . عالطول أنا قمت وأتصلت على صحفي هنا ببريده وواحد بجده . وقلت لهم السالفه ومن بكرا نشروا الخبر بالجريده .. هههه مكتوب بعنوان الخبر . ( أستاذ جامعي يوزع أجوبة الامتحان للطلاب بدلا من الاسئلة ) ... طبعا الخبر مضحك وفيه ضرر للكلية . لانهم أخطأوا خطأ جسيم .. وانا أمشي بالسياره بنفس اليوم اللي نزل فيه الخبر بالجريدة .. فتحت على راديو أف أم . يوم قعدت أشوي . وأثاري اللي بالراديو . يقول الخبر اللي مكتوب بالجريده هههه .. انا طبعا من بكرا الصبح أتصلت على قسم الاداب ( علم الاجتماع ) ومشغول له ساعات التلفون .. وأتصلت على العميد حق الكليه ويصرفني السكرتير .. وأجي أرسل فاكس للعميد وأنا ببريده .. يوم صار المغرب وأثاريه يدق علي من مكتبه .. يقولي لازم تجي تمتحن سواء يوم الخميس أو بالترم الجاي .. قلت أنا له لا يمكن أني أجي أمتحن والخطأ مو مني الخطأ من الدكتور .. قالي أعرف أن الحق معكم . بس وش نسوي . لان فئة a أشتكوا يقولون ليش فئة b محلوله لهم الاسئلة الا حنا هههه .. طبعا أنا مارحت أمتحن لان الحق معي .. ( والحمد لله على كل حال ) ..
دايم خذوها قاعدة . أذا صار معكم الحق لا تستسلموا أبدا . الا اللي وده يتنازل فهذا شئ ثاني .. لان فيه بعض الناس يصير معه الحق .. ثم يستسلم ويضيع منه حقه ....!
[/align]