|..| وإذا يعنى تضايقنا..؟ بنغيّر شى ؟ وإذا مات الزهر ف اجمل حدايقنا بنغيّر شى ؟ وإذا ب هدومنا ضقنا بنغيّر شى؟ كثير نمر بعض احيان بـ ضيقة بال زعل صاحب وحاجة مال شتيمة شخص مايعرفك عتب قارئ ونزعل حيل نتضايق وإذا يعنى تضايقنا,,! |..| وإذا يعنى تضايقنا هى الضيقه بتكون الحل!! اذا كانت شموس الوقت تحرقنا هى الضيقه بتكون الظل!! إذا غابوا جميع الناس وتفارقنا هى الضيقه بتكون الخِل!! |..| وإذا يعنى تضايقنا..!! وكثير من التعب ذقنا وسهرنا الليل بيجى صبح ويفرقنا ونبكى سيل لين الدمع يغرقنا ولابه شخص ف الدنيا بليا هم احد ضايق عشر سنين متزوج وربك مارزقه عيال احد ضايق لأن البيت به صجه وزحام أطفال أحد ضايق لأنه حبها بـ خبال هموم أكثر من اللازم وتخنقنا سؤال الحال!! وإذا يعنى تضايقنا..؟ |..| وإذا يعنى تضايقنا..! من اللاشى الى اللاشى على اللاشى تخانقنا وندخل فى نوايا الناس أظن فلان يقصدنى أظن الناس هنا بالحيل تكرهنى أظن فلان لها يكتب شعر حتى تغنى به ترانا ناس فينا كذب وغبي منهو يصدقناوإذا يعنى تضايقنا..!! |..| وإذا يعنى تضايقنا..! إذا راحوا وخلّونا نسوا كل الكلام العذب بكّونا وعرفنا بـ يوم بأن كل الحكايه كذب ملّونا وإذا خيّم علينا الليل ماأشرقنا وإذا ضقنا وصار الحرف حبال فى مشانقنا بعد هذا وإذا يعنى تضايقنا..! |..| وإذا يعنى تضايقنا..! وطفينا دروب النور وعتّمنا المدن والدور ويتّمنا شجر وزهور وكتّمنارقيق شعور وشتّمنا علو السور عشان اشياء هى الاتفه من الأتفه من الاشياء |..| وإذا يعنى تضايقنا..! ومشوا عنّا كثير اصحاب وتفارقنا وشققنا الورق للريح بعض فرقا تكون الحل قبل نطيح بعض فرقا مثل جمره وحنّا الشيح بعض فرقا كثير أكرم من التجريح بعض فرقا تجى جيّة دعاء وتسبيح كثير أصحاب فارقنا ونسيناهم كأن كانت علاقتنا علاقة وقت مصالح وانتهت يمكن قرابة دم أو جيران يمكن تشابه هم يمكن واللى يهم ماضقنا وإذا يعنى تضايقنا..!! |..| وإذا يعني تضايقنا!! ماهو حتى المطر يهجر حديقتنا وتنبت فينا ضيقتنا وتغرقنا سيول الملح والدمع هو صديقتنا ولابه شخص ف الدنيا ...تهمه ضحكتك غيرك لذا إضحك ولاترمي بذور الشر في خيرك لذا إضحك كثير اشياء من الأجمل تحاول دوم تسرقنا لذا اضحك وقول بحب: وإذا يعني تضايقنا!! |..| وإذا يعني تضايقنـــــــــــآ! .........وإذا يعني تضايقنـــــــــــآ! وإذا يعني تضايقنـــــــــــآ! مما رآآآق لي /..