فدا عينك فدا رمشك فديته خدك البراق
فدا قلبك فدا صوتك فديتك لا تخليني
ابي منك تعاهدني تصون العهد والميثاق
مثل مبكي على فراقك ابي لا غبت تبكيني
انا كلي بعد صدك تراني مو وله واشواق
ولامن نمت بفراشي يجي طيفك يصحيني
دخيلك لا قسى همي عليه وصار بالأعماق
ابيك ارجوك يا خلي من الأخطار تحميني
ابا احلف لك وصدقني ترى جمر الوله حراق
تصدق عيشتي مرُه عقب ما غبت عن عيني
انا مرضان وعلاجي ابي منك لقى وعناق
حرام الصد يا ظالم حرام انك تجافيني