[عادل الحبيتر]

[align=center]هذا موقف حصل لي عام 1419 يوم كنت أدرس ..صحاني أبوي الصبح علشان أروح للمدرسة . وقمت وأنا فيني النوم ومالي خلق أقوم . عالطول يوم قمت طلعت برا البيت . قلت أبشغل السيارة علشان تحتمي . لأنه كان بوقت شتاء ( برد ) . يوم شغلتها رجعت للسرير قلت أبنسدح أشوي علشان أنتظر لمين تحتمي السيارة .
وجي أنام من غير ما أحس . وجي أنتبه من النوم وأناظر الساعة وأثاريها الساعه 12 الظهر هههه . وفزيت وعالطول غسلت وتلبست يوم طلعت برا البيت . يوم قربت للسيارة وأثاريها مشغله من الساعه 7 الصبح .. ههههه ناسيها مشغله ونمت . وقلت الحمد لله أن السيارة محد سرقها .. حتى كنت توي مشتري سيارة جديده . فكني الله .. كل ما تذكرت الموقف حمدت الله [/align]



[align=center]***************************[/align]


[align=center]اليوم كنت أقرأ جريدة الجزيره كالعادة . يوم وصلت لصفحة ( 39 ) وجي الاقي خبر مهم ههه . الصراحه شرهت على الجريدة . ومستغرب على هالخبر اللي يفشل ... الخبر يقول

( ثالث ج ) يقصي ( ثالث ب ) ويضفر بكأس دوري المدرسة بمتوسطة القعقاع في بريده ..

وأذا ودكم تشوفوا هالخبر حصريا وبالصور أقرأوه بصفحة ( 39 ) بالجريدة .

الصراحه يفشل هالخبر .. يعني معقوله خلصن هالاخبار المهمه علشان يحطوا مثل هالاخبار هذي أنا لو رئيس التحرير كان منعت جميع الاخبار اللي مثل كذا لأن فيه بعض الصحف القوية سواء هنا أو في الدول العربية . تمنع مثل هالاخبار العادية ..[/align]