[خوي الليل]

كل اللي ذكرت مأذكرهن أبد

لاني جيت بعدهن مباشره ببيت شعبي عام 1403

لكن مافيه مقارنه بين العيشه هذيك والعيشه هذي رغم انهم عندهم نفس ماعندنا من منغصات لكن تختلف عنا بحكم بساطتهم لان اسمع من اجدادي ان يوجد عندهم مشاكل

المهم اخوي

بالنسبه لإكرام الضيف الله يرحم زمن حاتم ماتلقى احد الحين يتسم بالرجوله الحقيقيه من ناحية الضيافه

والله اني حاس بك الوضع الحين متفكك نوع ما والقلوب متشتته حتى بين الاخوه وكلن مايبي الثاني الا لمصلحه وقليل جدا تلقى من بقايا الماضي الجميل اللي ما اثرت به المدنيه وصار غليظ الدم فاقد الحس

ننتظر اجيالنا ينعون لماضينا الحالي

يأما يكونون احسن منا او حنا احسن منهم يمكن بالمستقبل يكون الوضع احسن ويرجع مافقدناه لأجيالنا وربما العكس

انا من ناحيتي اعشق الماضي لكن بحدود

الماضي احيانا ماودك يرجع لانه يحمل ثقوب وآلام رغم انه يحمل محبه وترابط وعفويه

من خلال تجاربي في محيطي من ناحية الصداقه ورغم اني اجتماعي جدا وسهل اني ادخل مع الناس ويحبونن واحبهم

قبل عشر سنين كنت سرعان مالقى اصدقاء وارتبط بهم ونكون علاقات ومتحابين

لكن الحين كل ماكونت صداقه صارت فاشله مادري مع اني اضبط نفسي واحاول احترم غيري لكن ربما الوضع والزمن الحين غيرت الناس وصار كلن مايبي احد والسبب التطور ودخول علينا امور لم تكن في السابق مثل الانترنت وووو غيره