[≈ Śķőőŋ »]

كيف العلاج ؟ العلاج بامور عده اهمها وكل وحده بشرحها لحالها باذن الله ..
1- الاسترخاء ..
2- التنفس
3- الايجابيه
4- التحكم بايقاع الحياه ..


.. 1- الاسترخاء
احنا عارفين انه هناك ارتباط بين العقل والجسد واي خلل بواحد منهم يؤثر ع الثاني لذالك لازم نريحهم كلهم علشان نوصل لراحه تامه لنا
لانه اعصابك مشدوده وجسمك مرتبك لازم تسترخين وتريحين جسمك المسكين وتعطينه امان علشان تستقر حالته وترتاحين انتي وترتاح معدتك وقلبك وبشرتك وووو
الحين شوفي نفسك هل انتي مشدوده او مسترخيه .؟ هل انتي عاقده حواجبك .؟ شاده على اسنانك .؟ رقبتك كيفها .؟ ورجلينك ؟
اذا مشدوده يعني لازم نسترخي .. في عده امور توصلنا للاسترخاء الكامل وهي تعلم التنفس بشكل صحيح .. تعلم كيف ترخين كل عضله بجسمك .. نتعلم كيف نسيطر على حركاتنا .. كيف نكون ايجابيين
كل شي بحياتك ممكن يؤثر على استرخائك .. منها الوان بيتك وملابسك .. اذا كنتي مصابه بالقلق والتوتر لازم تبتدعين تماما عن الالوان القويه والحاره .. ( مثل الاحمر بتدرجاته والاسود والفضي ووو ) خليك ع الالوان البارده لان بمجرد ماتناضرينها تحسين بالاسترخاء
الاضاءه بالمكان اللي تجلسين فيه كثير لازم تكون هاديه ابتعدي عن النور الابيض لانه سبب لك قلق وانتي موناقصه وحتى الاصفر المشع خليك على اضائه لونها هادي زي الاباجوره مثلا .. لاتقولين اهلي متعودين او زوجي او اولادي لاالا انتي قادره تسخرين كافه الامور لصالحك وكمان هالشي لصالح اهلك واولادك ..
وحده من صديقاتي متزوجه تقول اذا كان فيه توترات بيني وبين زوجي اهدي نور البيت واشغل فواحه بليمون وفانيلا
والبس لبس الوانه مريحه واستغفر ربي كثثثثثير تقول وربي ماتستمر المشكله ساعات الا وتنحل بهدوووء ...
الاصوات العاليه ابتعدي عنها قد ماتقدرين عيشي بجو هادي باكثر وقت ممكن بتقولين عندي عيال اهلي زوجي .. الخ اقولك يكفينا 10 دقايق باليوم اذا نامو الاولاد او جلستي بغرفتك لحالك لازم تفرغين وقت لنفسك صدقيني مهما اهملتي نفسك لاي سبب ولاي مبرر ماحد حياكلها غيرك ومااحد حيحس بالتعب والارهاق غيرك .. مهما كانت مسؤولياتك انتي تستحقين 10 دقايق تفرغينها علشانك علشانك وبسسسس
كثري من شرب الاشياء اللي تهديك مثل ( يانسون+ نعناع+ بابونج + لبن + كولي تمر اقلها 7 تمرات باليوم تهدي الاعصاااب بشكل فضيع ) وكمان هي من الطب النبوي
مارسي الرياضه منها تنحفين ومنها تفرغين الطاقه السلبيه من جسمك

هذي نصائح عامه علشان تغييرين نمط حياتك

وبعطيك تمارين جربتهم بنفسي ونتايجهم خطيره تسوينها ع الاقل مره باليوم لمده 10 دقايق قبل النوم ومره بوقت العمل واي وقت تحبين هنا شرحتها لكم بوضع الاستلقاء لكن في امكانيه تسوينها وانتي جالسه ع الكرسي


التمرين الاول ..
البسي ملابس مريحه وشيلي أي اكسسوار انتي لابسته وارخي شعرك هدي الاضائه بغرفتك واضبطي التكييف لدرجه ماتكونين بردانه ولا حرر اذ تحبين ريحه عطر معينه او فواحه تعطري بها يفضل ماتكونين شبعانه او توك متعشيه
روحي لسريرك ونامي فيه على ضهرك خوذي نفس عميق 10 مرات .. لما تتنفسين عبي بطنك هوا مو تكتفين بالهواء اللي بصدرك لاا حطي يدك على بطنك ولاحظي انه بطنك ينتفخ بهذي الطريقه انتي متاكده ان رئتك امتلت بالكامل ودفعت الحجاب الحاجز لتحت وبكذا عطيتي جسمك دفعه اكسجين قووويه
بعد ماتسوين 10 مرات تنفس عميق ..
اتنفسي كمان بعمق بس هالمره شدي اصابع رجلك وانتي اخذه نفس شدي ثم احتفظي بالنفس داخلك لمده ثواني ومع الزفير ارخي رجولك .
وعيدي التجربه بس هالمره مع قدمك كله مو بس الاصابع شديه وخوذي نفس عممميق واحتفظي بالهوا شوي ثم طلعيه وارخي القدم
ثم انتقلي للساق وسوي نفس الشي شد مع شهيق عميق وارخاء مع زفير وامشي لمنطقه الفخذ ثم الورك والبطن واليدين شديهم كل هالمناطق وارخيها تبعا للتنفس كرري هالعمليه لحد ماتسترخين تماما
فوائد هالتمرين .. ضخ الدم لكل اجزاء الجسم وتنشيط الدوره الدمويه فيه ويتبعه ضخ للاكسجين اللي يعمل على ارخاء العضلات وتفريغ الاحتباس العصبي بها .. نقص كميه الكوليسترول بالجسم .. تقليل ضغط الدم والاصابات بالازمه القلبيه
كمان الكتفين نسوي نفس الوضع نرفع الكتف الايمن لحد الاذن اليمنى ثم نرخيه تبعا للنفس
الرقبه نزلي رقبتك يمين لحد كانك تنامين على كتفك اليمين وتنفسي وارخي ثم نزليها يسار وارخي ثم لقدام واتنفسي ثم لورى وكذا
كرري هالتمرين كل مااحتجتيه ..



التمرين الثاني ..
التصور الايجابي
عاد هنا انتي وابداعك بالخيالات اللي توسع الصدر تدورن ان العقل الباطن مفهي مايعرف يميز بين الحقيقه والخيال فاذا لعبتي عليه وتخيلتي انك تتمشين بحدائق غنا وجوو مطر رذاذ وهوا يشرح النفس وووووو بيصدق وياحول يستانس ويسفهل يحسبه صدز وبينسى شي اسمه قلق وبينفصل عن عالم الازعاج والافكار الشينه
تذكرون افكارنا يوم حنا صغار نتخيل اننا اميرات وسندريلا وتسذا تراها شي علاجي مستخدم بارقى مراكز التاهيل النفسي !!
لذالك وسعي صدرك وانسدحي بسريرك وابدي صيري مره سندريلا وحطي لك قصه حلوه وانه اانتي البنت المخققه كل الامراء ومره صيري هيفاء وهبي ومره ومره وعيشي ادوااااار وناسه وفرفشه تخيلي سافرتي حول العالم تخيلي شكلك وش بتاخذين معك وووو جد يابنات هالشي من اقوى العلاجات المريحه من التوتر والقلق
واشتغلي على كل حواسك بالخيال ( نظر – سمع – شم- ملمس – تذوق )
اتخيلي مثلا صورتك وانتي اميره وشلون فستانك .؟ وش ريحه عطرك اتخيلي انك تشمينه حيقيقه المسي القماش الى أي مدى ناعم ؟ ... الخ
وبعد هالتصور بتلاقين نفسك مستانسه ومشرقه ومتوازنه نفسيا .. دائما اخلقي لك عالم خيالي تهربين اليه من العالم الحقيقي الصاخب .. أي شي تتمنينه بالواقع اخلقيه بالخيال عيشيه وكانه صار فعلا يمكن تجتذبينه لعالمك الواقعي ويقع فعلا !!

الشي الثالث
التنفس
بنات تتخيلون اننا طول عمرنا نستخدم جزء بسيط من رئتنا فقط !!
لاننا نتنفس بسرعه شهيق وزفير مايمدي الرئه تمتلي هواء ونسبه قليله من الاكسجين تدخل .. مما يسبب بضغط دم عالي ونقص اكسجين يؤدي الى خلل في بعض وضائف الجسم وشحوب بالبشره واضطراب عصبي !!

لحل هالمشكله اتنفسسسسسسسي بعمق املي بطنك مو صدرك بس واحتفظي بالنفس شوي ثم طلعيه بهدوووؤ وانعمي بصحه افضل

التنفس العميق يفيدك بحالات كثيره منها اذا كنتي خايفه من شي تنفسي بعمق علشان تسيطرين على نفسك وتتحكمين بمعدل ضغط الدم وتهدين ..

مثلا بتدخلين بمجلس مليان حريم او ناس جديدين عليك حسيتي بتوتر فورا اتنفسي بعمق اكثر من مره لحد ماتهدين ومايبين على وجهك التوتر وتدخلين بثقه

ويفيد كمان بتفريغ الضحك المكبوت ههههههه جد بنات جربتها لما كنت بالجامعه يتسلط ضحك عند الدكتورات مادري من وين يجي .. او احيانا اصير راكبه بالسياره مع احد غريب زوج اختي او كذا ويجيني ضحك طبعا فضيحه ضحكي مااسكت ابد ههههههههه فااسوي هالتمرين وفورا اسيطر على نفسي ويفكنا الله من الفشايل


لما يكون في احد بالمجلس يبغى ينفرفزك او قال كلمه بيقهرك وانتي ماود يبين عليك علطول انفسي بعمق وفرغي قهرك من خلال النفس وبكذا تختفي معالم التوتر بوجهك وتقهرين العذال
مع اولادك مع زوجك مع امك اذا صار شي ينرفز اتحكمي بنفسك علشان ماتغلطين وتسيطرين على نفسك


رابع شي
التحكم بايقاع الحياه ..
وقفي شوي .. ليش انتي دائما مستعجله !!
لاحقك احد ؟ وانتي تمشين داخله بسباق ؟ وانتي تفرشين اسنانك ليش متحمسه وبقوه كررف !!وانتي تمشطين شعرك ؟ تحطين مكياجك .؟ ووو انتبهي لتحركاتك احيانا ماعندك احد ولا مضغوطه بالوقت ولا شي ومع ذالك مستعجله !!
انتبهي ركزي بكل حركاتك هديها تذكري انك انثى رقيقه ناعمه وتعاملي مع نفسك بهذا الايطار

مره اوبرا قالت انها كانت تستعجل بالمشي ويطلع مضهرها مو انيق فتقول صرت وانا امشي احاول اسمع طقطقه الكعب علشان اتحكم بمشيي ويكون مشيي انثوي جذاب

صدقيني قد ماطبقتي من هالنقاط قد ماكنتي اقل توتر افضل مزاج بصحه سليمه باذن الله وذهن صافي تقدرين من خلاله تتصرفين صح تحلين مشاكلك برويه وهدوء واكثر حكمه بشرتك تروق شعرك يوقف تساقط تكونين انثى بافعالك وكلامك تعملين كنترول على حالك مثل ماصار معي انا بفضل الله

الكلااام يطول حاولت اختصر قد مااقدر اتمنى تكونون استفدتو وقررتو انه تغيرون نمط حياتكم للاحسن احنا نستحق الاهتمام .. انا اهتم بنفسي ماانتظر الاخرين يهتمون فيني هذا شعارنا دائما