قرب للي يشتريك وابعد عن بايعك الحمد الله انا شخص انعم علي الله بمعرفه اخوياء رجال ووقت الفزعه والحاجه ماحد بيقصر وكل واحد يعتبر الثاني في مكانه الاخو واكثر .... لكن كان فيه شخص بعيد مره عن هالشباب ولا فيه مجال معرفه بينهم نهائي ..ولي معزه عنده بشكل عجيب بصراحه ..واول مره اشوف انسان مستعد يسوي اي شي كله علشاني .... للاسف انا ماني متقبل هالشخص هذا نهائي ولما اكون جالس معه في مكان او شي اتنرفز.. وادور اي عذر او اي موضوع علشان اتعذر عن الجلسه واقوم وكثير ماعتذر عن عزايمه او عن طلعاته لكن باسلوب جميل بحيث اني قد ماقدر ماسبب له الام .. لان بصراحه يتصرف تصرفات تضايقني بلحيل .. مع اني عارف ان كل هالتصرفات نابعه من محبته لي .. لكن الشي تعدى الحد المهم قبل فتره احتجت للغرض وعجزت احصله .. وللاسف هالغرض ممكن يتوفر لكن انا في بالي شي معين والي في بالي صعب جدا ومن المستحيل ان يتوفر .. طبعا الشباب ماقصروا وحاولوا يمين ويسار وجابوا الي يقدرون عليه لكن ماش مهوب هذا الي ابيه .. بعد يومين او ثلاثه اتصل علي الي لي معزه عنده على الجوال .. وبعد سلام وكلام .. قال بدر انا عارف انك تدور على الغرض الفلاني وبنفس الي تبيه ونفس الي بخاطرك ..ومتى مابغيته تراه جاهز ولو تبي اجيبه لك للحد مكانك .. سئلته قبل اي شي كيف عرفت اني ادور هالشي مع اني ماقلت لك عنه ولا فتحت مووضوعه عندك .. قال هالشي لا يقدم ولا ياخر انت كل الي تبيه وجبته لك ...مرت الايام وبصراحه مالقيت هالغرض بال لاني خلاص زي الي كنت بوقته ابيه وانتهى موضوعه وتناسيته ... لكن الي حز بخاطري وضيق صدري انه وفر لي هالغرض وحاول وانا اكثر انسان يكرهه على وجه هالارض مع العلم ان الغرض ممكن انه يدخل في متاهات ماله اول ولا تالي .. بصراحه شي يؤلم انك تشوف انسان مستعد يراضيك باي شي وانت اخر اهتمامتك هالانسان * لا احد يروح باله بعيد مره