اذكر على ايام الدكة حقت الاستراحة .. دايم ادخل واذا لقيت احد اعرفه سولفت .. والا اطلع ..! الموهم مرة دخلت ولقيت بنتين نسيت معرفاتهن .. قلت خن اكسر طبع الانطوائية اللي عندي واقط معهن .. يوم حدّثت الصفحة ابشوف وشي السواليف.. عشان اخطم .. واثره وحدة تقول للثانية الاولى: يالله مع السلامة عندي اختبار انجليزي بكرى .. الثانية: هههه حتى انا عندي اختبار انجليزي ..! شكلك معي بالمدرسة ..! الاولى : هههه انا ادرس بالمجمع بثاني متوسط .. وانتي !! يوم شفت ثاني متوسط وهههه اللي كل شوي خاطمة بدون سبب .. قلت والله من الكسل ياحبي لي انا وانطوآئيتي ..! مع السلامة اقول ..!< هذا اللي شايف نفسه يمشي ولا معبرني خخخ ..! تصدقون ماتوقعت ولا واحد بالمية .. معنا بالمنتدى اعضاء بهالاعمار .. متوقعة اقل شي اولى ثانوي مثلا ..! اجل بالعشر سنوات القادمة تبي تصير الدعوى قيقهية عادي نلقى عضو بثالث ابتدائي يطامر بالمجلس ههههههههه ..! يبي يصير العوق من انه يعرف يقرا ويكتب بس خخخ ..! تذكرت بنت عمي برابع ابتدائي قبل سنة .. قاعدة احتسي القهوة مع البنات امير تنغزن مع ظهري وتعطين جوال امه .. تقول اكتبي ايميلتس تهئ اوس مليون !! عاد تصدقون الى الحين مااجتن .. شكلي من النزّة غلطت بالايميل !!