[ابن حمادة]

مشكور اخوي عاشق
والنعم بكل رجل محترم بكل مكان بحائل او في ارجاء هذا الوطن
ولكن المشكله لما قرأت ردود الاعضاء الافاضل اعتقد من وجهة نظري ان الجميع لن يفهم معنى الكرم
اخواني انتم جعلتم الكرم ملء بطن لاغير بتقديم جميع انواع الاطعمه
انا حصل لي موقف اتيت الى مدينه ما ودعاني احد سكانها على اغداء بعد الاصرار منه
والله العظيم مارتحت لين مشيت حسيت اثنا العزيمه اني محاصر المعزب وعياله وجيرانه واقفين على رأسي شوي ولا يأخذ بيده ويوكلني والله حسيت بضيق وطفش
ولما طلعت وركبت موتري قلت الحمدالله والشكر ماصدقت
الكرم بالماضي
كان الضيف يقطع مسافات طويله مشيا على الاقدام ولا على راحله تحت لهيب السموم ولا البرد ويكون تعبان جوعان بردان او محتر ويبي اكل شرب مأوى وكان الناس حين ذلك ميسورين الحال والاطعمه قليله وهنا يبداء دور الكريم الفعلي اللي خلقه الله على هذا ويدري ان هذا الرجل اذا ذهب من هنا لم يرجع ويمكن مايتواجهون ابد مو مثل الحين هذا رقم تلفوني وساكن بالمدينه الفلانيه ووشغال بالمحل اللي هو
اعتقد ان الكرم في الوقت الحالي اصبح لقتناص المصالح كرم مقابل
والحمدالله بالوقت الحالي لاجوع الفنادق بكل مكان ولله الحمد
ومن وجهة نظري الكريم في الوقت الحالي هو من يذهب بنفسه يروح للسجن ويقول وين المسجونين اللي عليهم دين ويسدد عنهم ولا يشوف واحد محتاج ويساعده او جاه الى احد بخطبه او رقبه ابعد الله عنكم كل شر
هنا يبين كريم زمانه مو بكم ذبيحه