[عناية بالبشرة]

انا متزوجة صارلي سنتين و 3 أشهر .. اول 7 اشهر من الزواج ما حملت رحت مع خالتي اراجع الدكتورة ليش ليلحين ما حملت سويت تحاليل و زوجي سوى تحاليل طلعنا الحمدلله ما فينا شي بديت اعالج و الدكتورة كل مرة توصفلي شي اول مرة حبوب كلوميد لي مدة جم شهر و ما صار حمل .. جربت التلقيح الصناعي 3 مرات و ماكو فايدة وصفتلي ابر و كل مرة تزيد عدد الابر و تقوللي التبيويض عندج ضعيف سويت كل شي و ماصار حمل تعبت وانا اروح للدكتورة و خالتي تحن علي متى تحملين روحي عالجي اهل ريلي قعدو يضغطون علي لما صطت فيني الدنيا قلت خلاص انا ادري ان مافي امل اني احمل والواحد تتعب نفسيته اذا كل مرة يحنون عليه .. قلت ماني رايحة حق دكتورة ولا شي مليت ماكو فايدة من العلاج و كنت فاقدة الامل من الحمل قعدت ادعى الله في كل صلاتي اني احمل وقمت اروح مجالس قراءة القرآن وبعد ما قطعت عن العلاج لمدة 4 اشهر ما قمت افكر بالحمل كل شيء بيد الله سبحانه ... تأخرت علي الدورة و كنت شاكة اني حامل بس خفت احط امل و اطلع مو حامل نطرت اسبوع و قلت اروح اشتري من الصيدلية جهاز فحص الحمل ... و انا اوسوي الاختبار يدي كانت ترجف من الخوف اول ما طلعت نتيجية الفحص + ما صدقت من الفرحة قعدت ابجي قلت حق زوجي و بعدها دقيت على أمي و خالتي اقول لهم اني حامل و اليوم اللي وراه رحت مختبر تحاليل علشان اتأكد و طلعت حامل الحمدلله على كل شيء وانا الحين حامل صارلي شهر و نص