[عجوز سمنسي]

اقتباس:  المشاركة الأصلية كتبت بواسطة عذبـــــة     لا يقولون تشليق البصل قبل بفترة يروح فايدته خل الشغاله تقطعه يوم بيومه عشان يحتفظ في فايدته وتصير ريحته منعشه المهم .. اغلب السعوديين تعاملهم جفس ولا يعرفون الكلمة الحلوة وعايشين حياة روتينيه اكل شرب نوم طلعه دوام فالزوجة تلاقيها ماتعرف غلاها لابكلمة ولا بحركه ولا بابتسامة حتى فمالها الا اذا تماعطو الشوش تقوله طلقني عشان تسمع منه كلمه حلوه على الأقل يقولها طلاق مافيه وهو يصارخ ويعطيها كف على الطاير وهي تصيح وتقوله اقولك طلقني وهي مستمتعه برفضه تحس انه مايعيش بدونها وراح يتمرمط بعدها << مسرحية لكن هالزوج مايصدق خبر ويرمي يمين الطلاق واول من يتمرمط ويشرب عصير نجدية منتهي تاريخه هو اعقلو واثقلو ترى الحرمه ماتبي منكم الا تبينون غلاها وتحسسونها بأهمية وجودها بأي طريقة كانت حتى لو وصل الأمر بها تقوله طلقني جعلك للماحي أجل تقولي يتهجج عنها ثلاث اسابيع ؟؟ تلاقيه بهالثلاث اسابيع يدور زوجه مسيار واذا لقى وعقد عليها جاء بالاسبوع الثالث يطلق زوجته على الاقل لين تروح طفته بالمسيار الجديدة بعدين يرجعها

اجل الشغالة هي اللي تقطع البصل ؟

والله من زين الثقة

ياستي مو يقولون ان المرأة هي ملكة البيت وسيدته ؟

ليه ماتحاول المرأة تغير من روتين البيت ومن روتين زوجها

خليني اصفصف لك حياة الرجل في بيته علشان ماتقعدين تهلسين علينا وتصفصفين كلام مو صحيح

الرجل يروح للدوام ويقابل انواع خلق الله ويجي للبيت الساعه 2 وهو قرفان

يجي للبيت يلاقي زوجته وهي رازة خشتها وتبطح عند التلفزيون والشغالة هي اللي تسوي الغداء وهي توها صاحية ونفسها براس خشمها

الرجل يبلعها
يتغدى وينام

يصحى العصر يبي قهوة ويحلي ريقة بجلسة عائلية

المرأة مستعدة ماشاء الله ولابسة عبايتها ودني لاهلي والا للسوق والا لفلان والا علان

طيب اصبري يابنت الحلال

تطق الحنك وتزاعق عساها للباحط وهـ بس بس تبطح بالبيت وماتنفع

يوديها ويجيبها بالليل وهي رازة خشمها

بالله عليك متى تبين الرجل تنفتح نفسه ؟

الله يلوم اللي يلوم الرجال

حياك ياراعية البصل