ام خماس
بودرة نونو
ظامي القصيم
حياكم اللـه جميعا ..واهلا وسهلا بكم
أحبتي ....جميع تساؤلاتكم وماقصدتموه هي (النيه )..
ويفترض بي وضحت هذا الشي في مقدمة المتصفح ...لجل مايلتبس
عليكم الابتداع وكأننا خلقنا أشياء من عندنا
يا اخوتي مسألة البدعه واللي تكلمتوا عنها هذا يكون في:
عمل عمل بنية حصول شيء
مثل الاستغفار بنية الزواج ..وهذا بدعه
وقراءة سورة معينه بقصد حصول الزواج بدعه
وكل عمل تعمليه بنية حصول شي ماقاله الله ولا رسوله بدعه
هذا الشي عارفينه ونحذر عنه والمتصفح واللي فيه ما أمر فيه
ولا قلت في البرامج اللي كتبتها الآن للبنت اعمليهم بنية الزواج
قلت فقط : اعملي كذا وكذا
كل اللي ذكرته معقول
وبالنسبه لتحديد زمن معين
اولا غريب يا اخوة انكم ماتعرفون فيه اوقات شريفه يستحب
عمل العمل بها ..
وانا الان وضعت فقط البرنامج الاول فيه تحديد وقت
اللي هو قبل المغرب بالنسبه للغسل في السدر..
اما باقي اي برنامج بتلاقوا تحديداتي لقراءة القران هي المعروفه
مثل اخر الليل .ومثل في قيام الليل ..
وهذي الفترة (المغرب) هي فترة انتشار الشياطين هي فقط لغسل السدر
وشخصيا انا جربت قبل ثلاث سنوات الغسل بالسدر في هذا الوقت
ولكن قراءة القران كنت اقراه الفجر بعد الصلاة ..وكان سببي
وفاة احد افراد عيلتي المقربين وواللـه واظبت فقط على قراءة سورة البقرة
بعد صلاة الفجر مع اخذ ملعقة عسل على الريق..
والمغرب قبل اصلي (بالمصادفه الحزة) ارش نفسي بماء فيه سدر
يوميا الى بعد تقريبا 18 يوم ..والله ماكأن متوفي لنا أحد سبحان الله ..
راح الحزن واطمئنيت.. وكنت تاركه البيت ومقيمه عند احد الاخوه ..!
و يستحيل نهائيا ارجع للبيت ولا ابغى اشوف احد ..
واستقريت واطمئنيت فقط من تمام عشره ايام ..!!
لكن كملت الى 18 يوم
وبالمصادفه على وقتها دخلة رمضان عام 1428 مامر رمضان علي بعمري
مثل طاعتي بهذاك الشهر ..!! من الهدوء والسعادة وختمت القران
ثلاث مرات..واصلي صلاة القيام كامله وبكل حضور..!
......
وايضا وقت المغرب هذا الكثير والكثير من البنات اللي رقوا مكتشفاته ..
وانتم يا احبه مستعجلين وكأنكم تذكروني بعضوه ردت في متصفح لي تستعجل
الامور وتصادمني هذا خطأ وهذا غلط ..طبعا من حقكم تسألون
ومن واجبكم تنبهون وتحذرون واحيي فيكم ماشاء الله هذي الغيرة على ديننا
الذي هو عصمة أمرنا ..
ولكن يا احبــه ..
لازال المتصفح في بدايته .. كل شي راح نتكلم فيه .. واللي تطرقتوا له (النيه)
ومن ضمن مواضيعه النيه و ان الاعمال تكون خالصه وماتكون بنية حصول امنيه
وبخاصه اللي يستغفرون بنية الزواج او الحمل..
وايضا في البرامج (تربيه) لكثير من البنات بمجرد تواظب على ترك المنكرات
بيكون وضعها افضل مما هي عليه .
كل حكاوينا في المتصفح قراءة القرآن والمحافظه على الطاعات ..
اتمنى يا اخوة اني اجبتكم ..
واي استفسار أهلا وسهلا بكم
واللي بيكون عندها استفسار ومو حابه تكتبه في المتصفح
وعدد مشاركاتها مايسمح بارسال الخاص تخبرني من خلال رد فقط
ان عندها سؤال وانا اساعدها على الارسال دون مايبلغ
عدد المشاركات العدد المطلوب لكن ماتستطيع ترسل لغيري طبعا .