اسمحيلي ياالغرام العفو يا الوجه السمـوح
ان لزمت الصمت او حتـى لبسـت الاقنعـه
اعترف لك ما بقى من عالي الهمه سفـوح
انحـدر كلـي كم طفـل تحـدر مدمعـه
من يبي بالله يفتح لي غلق صدره و ابـوح
ضاقت الدنيا بشاعـر طيـب قلبـه ضيعـه
ما قبلنا الحظ قولي وين ابارحل ويـن اروح
الصبر ياهـو يعـذب و الامانـي موجعـه
اه يا جود الحزن وياي و الفرحـه شحـوح
ضايع بهمومـي الغبـرا بوسـط المعمعـه
اشتكي لوسادتي دنيـاي واسمعهـا تنـوح
كنها بعضي وبعضي وين هو من هو معـه
ايه انا و العالم المغرور و اليـاس اللحـوح
خايض حرب الرياح اللي تسوق الاشرعـه
مختلط في عبرتي حبر الشقى ودم الجـروح
ومستوي في نظرتي غرب الوجود و مطلعـه
عودي المبري بقى به من عطايا الوقت روح
وفصل خامس حاير بين الفصـول الاربعـه
وراس مالي ذكريات حلم وأمـال و طمـوح
لا صديـق ولا رفيـق ولا طريـق واتبعـه
نوب اسافر في سديد الراي ونب في جنـوح
مختفي صوت الحقيقه كيف ويش لون اسمعه
سامحيني دام هجري واضح كـل الوضـوح
واسمحي لـي بالرحيـل بلاتذاكـر وامتعـه
يقال انه لشاعر من ضواحي سدير والقصه انه صار عليه حادث وانشل
وهو توه متزوج وكان يحب زوجته حبن جما ومن قوة حبه طلقه لانه يبي تهنى بحياته لانه انقطع نسلة ولا بعد جاب منه عيال ..
وذكرتن بقصيدة ثورة الشك المنسوبة لعبدالله الفيصل وهي للشاعر حمد الحجي
والحين الي يبي يصير شاعر يرخي الريال وماعليه