[align=center]أخيرا توي أرتاح وأجلس جلسه صح .. من العصر وأنا كل وقتي مشاوير .. عاد خلصت من أشغالي .. وما أرتاح الا أذا سكرت جوالي حق شغلي وخليت جوالي الخاص مفتوح اللي يعرفونه أهلي وأصدقائي المقربين .. أحب أذا جيت أرتاح أحب أجلس وأنا بعيد عن جميع شئ يشغلني عن راحتي ..![/align]
[align=center]******************************************[/align]
[align=center]
اليوم الظهر جتني رساله ( زوج خالت واحد من أصدقائي ) أنتقل الى رحمة الله أبو سليمان الرميحي .. وأبيكم تدعون له بالمغفره .. والميت يحتاج من الواحد الدعاء لأن الميت يكون بأمس الحاجة الى الدعاء له بالمغفره .. وأبي كل واحد يدخل لمدونتي أن يدعوا له بالمغفره ..![/align]
[align=center]
وهذا أبو واحد من العيال .. تعب تعب شديد وجلس الان ( 25 ) ما أكل شئ ما غير بس يشرب من السوائل .. وأقولهم دخلوه للمستشفى عاد يقولون أنه ما يحب المستشفيات .. عاد اللحين دخلوه للمستشفى بعدما ساءت صحته .. وأخذوا منه تحاليل وقالوا لهم أن شاء الله راح يكون طيب وراح يطيب بأذن الله ... عاد اليوم رحت زرته أبوه بالمستشفى .. ولقيته دايخ ما بين أنه نايم وما بين أنه قايم من النوم .. عاد وأنا أشوفه على السرير خنقتني العبرة .. لأنه ونعم الرجل دااائما كان أذا شاف أحد يبتسم وكنت أذا جيت لمهم للبيت .. كان هذا الأب يجلس معنا ويسولف معنا بسوالف الأولين وهو من الناس اللي يعامل الأطفال والشباب والكبار يعاملهم معاملة الأخوة والأبوه .. اللهم أشفه يارب ويارب قومه بالعافيه ..!
عاد وحنا جالسين بالغرفة بالمستشفى كان كل اللي بالغرفه كلها شيبان مريضين اللهم أشفهم يارب .. عاد اللي بجنبنا كان فيه ناس جايين لأحد المرضى وكانت أصوات سواليفهم واصله لأخر مكان بالمستشفى .. حنا أشتبت أتسبدنا منهم .. فعلا مزعجين بالسواليف ورافعين أصواتهم وهم يسولفون .. ياشين اللي يسولفون بصوت مرتفع بالغرف حقات المرضى ..
المرضى ما يبون أزعاج .. وجايين ذولا ما غير بس يزعجون الناس بصوتهم ...!
أبي كل واحد يدخل لمدونتي يدعوا بأن يشفي ( أبو علي ) وأن يقومه بالصحه والعافية ...![/align]
[align=center]*****************************************[/align]
[align=center]
[/align]
[align=center]
إن حبنا أجمل حكاية
مستمر دون نهاية
قلبي ينبض بحبك الأبدي ...
يا لها من بداية ... بداية حبنا الجميل
كم أتمنى أن تطول الحياة لكي لا يموت
حبنا .... ونموت معه ....
يا أحلى وردة قطفتها في حياتي
وزرعتها في قلبي !!!
هل حبنا قصة عذاب
أم هو بداية الحياة ...
إن شوقي لكي دون حدود
فمتى سألتقي بكي
يا وردة حياتي ...
إن القمر شارف على المغيب
من كثرة شوقي الكبير لكي .
فلا أعرف النوم فصورتكي
تطاردني في منامي
لتكوني أنتي وحدكي
سيدة أحلامي .
فأنتي ...
دنيتي ... وحياتي ...
سأبقى أحبكي .
حتى
مماتي ..![/align]
[align=center]******************************************[/align]
[align=center]غريبه الحياة .. أحيانا أذا رحت لم زواج أو أي شئ فيه فرح .. أحسب كل الناس فرحانين .. وأذا رحت لم المستشفى وشفت المرضى .. يضيق صدري وأحسب كل الناس بالمستشفيات . وأنا بطبعي أخاف من الستشفيات .. الله يحماني ويحميكم يارب .. وأذا سمعت بزارين يصيحون أحسب كل الناس عندهم كذا .. وأذا شفت الناس رايحين لعزيمه أحسب كل الناس معزومين .. وأذا شفت الناس بالمهرجانات أو كاشتين أحسب كل الناس رايحين لمهرجانات وكشتات ... [/align][align=center]
يالله الدنيا فيه الوناسه وفيه الحزن وفيه كل شئ .. فيه ناس اللحين فرحانين بمناسبات أو بأي شي فيه فرح .. وفيه ناس اللحين بهالوقت كسلانين وفيه ناس اللحين متوفي ولدهم أو أبوهم أو قريبهم أو أي أحد ..!
الدنيا جمعت ناس ( فرحانه وناس حزينه وناس راايقه وناس عادي ) ...![/align]
[align=center]*****************************************[/align]
[align=center]
عاد عندي أشياء كثيره ودي أكتبها بس تعبت وأنا أكتب .. ودي بس أتصفح وأشرب لي فنجان قهوه وكوب شاي .. القهوه والشاي جاهزات عندي لهن ساعه والى اللحين ما شربت الا فنجان واحد .. كفايه ياقلم ...![/align]
[align=center]******************************************[/align]
[align=center]أي سؤال في بالك أسألني هنا ...![/align]