[align=center]( العادات والتقاليد )
أحيانا الواحد يحرم نفسه من أشياء كثيره بسبب العادات والتقاليد ..!
أنا أكره شئ أشوفه هي العادات والتقاليد . خاصة أذا هي تبي تقف أمام رغباتي اللي مقتنع أني أسويها ..
أنا من الناس اللي أذا أعجبه شئ ورغبت أني أسويه .. عالطول أسوي الشئ حتى لو هي راح تخالف عاداتنا .... لأن أغلب العادات والتقاليد فيها أشياء سلبية .
فيه واحد توه خاطب وحده والمأذون كتب الكتاب .. عاد حنا فرحنا له كثير .. وبعد مرور الأيام قلت له بشر عساك كلمتها بالتلفون أو أهديت لها هديه ... قال : لالا ما أقدر أكلمها بالتلفون لأني أستحي .. قلت ياااه تستحي وأنت رجل ههه .. وجي أقوله ولا عطيتها هدية بمناسبة عقد القران ( الملكه ) قال : لالا ما عطيتها ولا هديته .. قلت ياااه حرااام عليك تفوت فرصة العمر .. لأن أحلى أيام هي أيام الملكه اللي قبل الزواج .. قال : أيه بس أستحي أكلمها وذي مب من عاداتنا .. قلت : خل العادات والتقاليد تنفعك ... قلت له بعد : الزمن تغير مب مثل أول .. لأن راح يكون فيه أثر سلبي في أول أيام من زواجكم ... قال كيف : قلت لأن البنت اللي هي زوجتك . أذا ماكلمتها قبل ما تدخل عليها بيوم الزواج راح تكون بوضع سي من الخوف والهلع .. قالي كيف : قلت له البنت اللي هي زوجتك راح تكون متعوده أنها من يوم طلعت من الدنيا وهي عايشه مع أهلها . ثم فجأة أذا دخلت عليها بيوم الزواج راح تكون مع أنسان غريب وراح تخاف كثير . وراح تعيش بوضع سئ في اول يومين من الزواج .. قال بس أيش أسوي هذي عاداتنا ... قلت له : يا أخي أبعطيك نصيحة .. قالي أيش هي : قلت أبيك على الأقل تروح لمحل الجوالات وتشتري لها جهاز جوال وتروح لمحل الاتصالات وتشتري لها شريحة جوال ثم تحط رقم جوالك بورقة ثم تغلفهم جميع بتغليفه تكون رووعه .. ثم تروح لبيتهم وتطق باب البيت وتعطيها أهلها .. وطبعا أهلها راح يعطونها هديتك .. وأكيد زوجتك بعد ما تشوف هديتك راح تطير من الفرحه وراح تعتبر هذي الهدية من أغلى الهدايا في حياتها .. وأكيد راح تفتح الهدية وراح تشوف الشريحه وجهاز الجوال .. وأكيد زوجتك بعد ما تشوف رقم جوالك .. أكيد راح يكون كلها كم يوم ثم ترسلك رساله حب أو رساله غرام ووله على جوالك .. ثم مع مرور الوقت تكون أنت ترد عليها برسالة حب ثم بعد هي ترسل رساله لمين تكلموا بعض وتسمع صوتها وتسمع صوتك .. وبهذه الطريقة يكون أبعدت الخوف عنها .. قالي أخاف أذا كلمت زوجتي يوميا قبل الزواج أخاف تقضي السواليف .. قلت له : لا أنا ما أبيك تكلمها يوميا . أنا أبيك تكلمها بالاسبوع مره أو بالاسبوعين مره وتكونوا ما تطولوا بالسواليف . وخلوا باقي الايام فقط رسايل حب ونكت بينكم ... ومتأكد أنك أذا سويت الطريقة راح تبعد الخوف عنها في يوم ليلة الدخلة وقلت له صدقني أنه أحلى أيام في عمركم راح تكون في أيام الملكه ...!
لأن البنت عكس الرجل .. البنت عندها حياء غير حياء الرجل .. حنا يصير عادي بيوم الدخله صح الرجال يخافون ويتصبصب منهم العرق من الخوف لكن البنت عكس الرجل لأن البنت راح تخاف وتصبصب عرقها وراح تبكي بكاء شديد وهي جالسه عندكم .. لأنها تحس بخوف لأنها جالسه مع واحد غريب ..!
( عاد هذه كانت نصيحتي له ) ...! والله يوفقه يارب ويجمع بينهم على خير
الغريبه شيباننا حقين منطقة نجد خاصة كانوا أذا جو يتزوجون يتزوجون وهم ما شافوا حريمهم بالنظره الشرعيه .. وحتى الغريب كانوا أول أذا جت تتزوج البنت ما يقولون لها الا قبل زواجها بيوم ...!
لكن الحمد لله أننا ما نعرف هذه الأشياء في وقتنا الحاضر ... لكن سمعت أنه فيه بعض المناطق .. يمنعون الواحد أنه يشوف البنت بالنظره الشرعية ...
أنا لي صديق من سكان خارج القصيم .. يقول لي أنه تزوج وهو ما شاف زوجته .. والغريبه أنه ما تزوج قديم .. متزوج قبل أربع سنوات ... قلت له ليه كذا .. قال هذي عادات أهل منطقتنا .. ياااه [/align]
[align=center]*****************************************[/align]
[align=center]أروح أتغداء مير . الغداء جاهز ... يالله الاقيكم على خير ...![/align]