انا عندي سؤال من زمان محيرني !! الحين الظواهر السلبية بالمجتمع من يسويه لاصار الجميع ضده .. والجميع يتذمر منها .. واقصد بالظواهر اللي يمارسها العامة وبيدهم التصحيح !! موب اللي بيد مسؤول او نحوه .. مثل: *وصاخة المحطات وانتم بكرامة ..! *شفاحة الحريم بالبوفيهات بالمناسبات الوحدة تقل ماعمرة شافت خير تملى الصحن وماتاكل الا ربعه طيب خليه بصحنه لاصرتي منتي ماكلته يالبحومه ..! * احترام المواعيد..! الواحد تقل مايعرف للساعة ياحرآآم ..تقل مااقتنع بهالاختراع وضاربها عرض الحآئط ..!! *اللقافة.. ذولاك الناس اللزقة اللي مايهناه الا يحشر انفه بكل صغيره وكبيره ومسوي فيها يمون ياحبي له..! *كثرة الاسئلة.. ووين رحتوا ووين جيتوا وش سويتوا ووش اكلتوا ووشلون نمتوا اعوذ بالله .. لا بتحقيق فيدرالي حنا قاعدين ..! وغيره وغيره ......... يعني مااذكر فتحت موضوع اي نقطه من اللي فوق مع شخص الا والقآه متذمر منهن .. طيب من اللي يسويه اجل !! يعني معقوله الناس تكذب وتمثل المثالية .. والا تمارس وماتنتبه على روحه !! < قواطي ذولا مهوب اوآدم !! والا انا الى الحين ماقابلت ناس تمارس هالسلبيات الله لايضرن!!