[align=center]مساء الخير للجميع :[/align][align=center]
اليوم راح أستضيف في مدونتي أثنين من الأعضاء .. وهم ( عاشق ديرتي بريده ) و ( البارق )
وأنا تشرفت بتلبيتهم دعوتي ..![/align]
[align=center]أستضافتي لـ ( عاشق ديرتي بريده ) [/align]
[align=center]1/كيف تقضي يومك برمضان ..؟ بإختصار[/align][align=center]
دوام الى ثلاث وقران الى صلاة العصر وبعد العصر الى خمس برضو قران وبعده اخذ بزراني واروح ادوربهم لين المغرب وبعدها تراويح واروح للشاليه الى 2
2/ ماهو الطبق المفضل لديك على مائدة رمضان ؟
كبدة الحاشي
3/ موقف حصل معك "طريف" وأخر "محرج"..في رمضان اللي راح ؟
رمضان اللي راح كنت مشغول بالعماره وماكان لي احتكاك الا بالعمال
4/ وين تقضي رمضان هذه السنه ؟
ماعمري قضيته برا بريده الا بعض الاوقات اروح لمزرعه للصيد
5/ هل محدد لك وقت لدخول النت في رمضان ....؟
بعد التراويح
6/ شخص وجوده على سفرة رمضان غير..من هو؟"غير الوالدين..لانهم هم الاساس"..؟
الوالدين متوفين الله يرحمهم
وبنتي الصغيره هي اساس الفطور والبيت
7/ هل سبق وطبخت لو طبق واحد برمضان ؟
بعض الأوقات اطبخ رز للسحور
8/ ماهي الوجبه المفضله لديك عند السحور ؟
تمر ولبن وبعض الاوقات الرز بلحمة الحاشي
9/ ماهو افضل برنامج إذاعي أو تلفزيوني لديك .؟
والله انا ماني راعي تلفزيون برمضان الا متابعة الكوره
10/ ماذا تتذكر من ايام الطفولة في رمضان .؟
اتذكر أني اتمضمض كل شوي واشرب ماء
11/ وجه الدعوه لثلاثة اعضاء من المنتدى للفطور معك ؟
اخوي سلمان عبدالعزيز
وحي المنتزه
وراشد الصليحان
12 / ما هي احلا لحظآت الصوم ؟
قبل الفطور بخمس دقائق التجمع مع العائله والدعاء
13/ كم ختمه من القرآن تستطيع ان تختمها خلال الشهر الفضيل ؟
احتفظ فيه لنفسي بعيداً عن الريا
14/ هل تتذكر اول رمضان قمت بالصيام فيه ؟
لا والله الماضي عندي منسي
15/ كلمة أخيره تود التكلم بها ..؟
ادعوا لكل الأعضاء بالمنتدى بالتوفيق بالدنيا والأخره
واتمنى ان ماحد يشيل بقلبه علي لأني انغزهم نغزه قويه ابيهم ينتبهون[/align]
[align=center]****************************[/align]
[align=center]وهذه هي أستضافتي لـ ( البارق ) :[/align]
[align=center]
1/ كيف تقضي يومك برمضان ..؟ بإختصار
الصبح والظهر دوام والعصر جزء منه في النوم
وبالليل زيارة لأحد الاصدقاء
وقبل الفجر ارجع للبيت
2/ ماهو الطبق المفضل لديك على مائدة رمضان ؟
مافيه وجبة معينة
لكن بقول لك عن وجبة يجمع عليها الناس
إلا أنا
ماتصدق اذا قلت لك اني للحين
ماشربت الشوربة ولا أشربها
3/ موقف حصل معك "طريف" وأخر "محرج"..في رمضان اللي راح ؟
مافيه
4/ وين تقضي رمضان هذه السنه ؟
قضيت أول رمضان في مكة
والآن في ربوع بريدة
5/ هل محدد لك وقت لدخول النت في رمضان ....؟
مافيه وقت محدد
لكن دخولي في رمضان اقول من غيره
6/ شخص وجوده على سفرة رمضان غير..من هو؟"غير الوالدين..لانهم هم الاساس" ؟
استمتع بوجود بنياتي على مائدة الإفطار
واللي تقول انا من الظهر صايمة
والثانية تقول من العصر
وياااااااااحلوهم هم وصيامهم
7/ هل سبق وطبخت لو طبق واحد برمضان ؟
مرة بس قليت السنبوسة
8/ ماهي الوجبه المفضله لديك عند السحور ؟
مافيه مثل الرز
لكن دائماً سحوري تمر ولبن
أخف واريح
9/ ماهو افضل برنامج إذاعي أو تلفزيوني لديك .؟
حجر الزاوية
انتظره وأتابعه بشف
10/ ماذا تتذكر من ايام الطفولة في رمضان .؟
اتذكر اني دخلت عالم التجارة من أوسع ابوابها
واشتركت مع واحد واشترينا شحنة جح
ولا أنسَ عطش وطفش وخسارة ذاك اليوم
الله لا يعيد الشر
11/ وجه الدعوه لثلاثة اعضاء من المنتدى للفطور معك ؟
أنت اخوي عادل اتشرف بحضورك
ابو نورة
ابو صالح
12 / ما هي احلا لحظآت الصوم ؟
لحظة الإفطار
فيها لذة وروحانية ولفرجة
جداً جميلة
13/ كم ختمه من القرآن تستطيع ان تختمها خلال الشهر الفضيل ؟
الله يخلف علينا
عسانا نختم مرة واحدة
14/ هل تتذكر اول رمضان قمت بالصيام فيه ؟
الذاكرة لك عليها
والله ما أذكر بالضبط اول رمضان صمته
15/ كلمة أخيره تود التكلم بها ..؟
من القلب اشكرك اخوي عادل
على هذه الاستضافة[/align]
[align=center]
الله يعطيكم العافيه .. على تلبيتكم لدعوتي .. والف شكر لك يا عاشق ديرتي بريده ويا البارق .. لانكم عطيتوني من وقتكم .. أستمتعت جدا بأستضافتكم ...!
وبكرا بأذن الله راح أستضيف أحد ...![/align]