[عذبـــــة]

اقتباس:  المشاركة الأصلية كتبت بواسطة جلوي الشقير     [align=center]عذبه[/align][align=center] صدقتي لكن الغريب موظفين أجانب رواتبهم أقل بكثير ووضعه المادي سيء ونجدهم في غاية الأناقه والتعامل الراقي . هل هي عادات وطباع سعوديه ؟ <<<يحاول يحرك الحرب الضروس بين الجنسين مكتبنا علمنا التعامل ببساطه مع كافة شؤوننا وأعمالنا [/align]

الموظف الأجنبي جاي يشتغل ويسترزق ويأكل عيالة لقمة عيش حلال
تلاقية نايم بدري وصاحي بدري ومفطر في بيته ولابس ومتأنق وجاي لدوامه بكل نشاط وحيوية
بعدها يقوم بعملة والابتسامة شاقه وجهه
بعكس السعودي .. يسهر مع دشيره لين الفجر وينام ساعتين ويصحى بالموووووت
يلبس ملابس الاستراحة حقات البارح وكلهن عرق وخرايط شاهي وحروق دخان .. زين ان غسل وجهه .. وعلطول للدوام .. والحجاج معقوود .. والشر باين من عيونه ..
يجلس على المكتب يلا هاتو لي فطور وشاهي يصحيني ..
اذا اكل وشبع .. وجاء دور شغله تلاقيه نافخ الصدر تقول رئيس مجلس ادارة ..
وخذ ياهوش .. وخذ ياتهزير وتنزير بخلق الله لين يخلص الدوام ..
طبعا يهج قبل انتهاء الدوام الرسمي .. بنص ساعه .. مرات يطلع قبل بساعه ..
هذا حال الموظف السعودي الله يجبر السعودية كلها بكبرها على هالرجال .

ابو شهد .. مكتبكم متواضع جداً .. ماعندكم وظايف حريم ؟