الصيد والله يانا منب اواطن شي اسمه صيد وبواريد وقراشيع ... يعني عقليا الواحد مايتقبل وضع راعين الصيد .. تلقاه يطلع من فجر الله وصايم وحالته حاله ومراكض وكل واحد معه باروده ودبتسه ..كله علشان دخله ولا قميري المشكله والله يان الدجاجه تسوى منهن مليون وانت ببيتك مرتاح ولا ادبست ولا غيره المشكله الى الغزال وهو الغزال الي وخر عنه ذقته طعمه عادي ولا به زود .. بالعكس يابسه هه لكن وش تسوي للهالمهابيل .. لا ويغصب يبي يقنعك انه وناسه ومتعه .. اذكر مره طلعت مع اخوياي وعيال عمي والحمد الله صرت جاي بسيارتي لاني عارفن اني ابمل وانكس طبعا كانوا طالعين بليل يبون علشان ايقالهم مع الفجر يبدون يصيدون .. الظاهر قعدت انا اياهم الى بعد الصلاه ويوم بدوا يتناطقون من قدامي وكلن معه باروده حامت تسبدي وعجزت اقعد