[align=center]اهلا بالجميع :: [/align][align=center]
ضيوفي لهذا اليوم هم المشرفه ( X 7oor S3od X ) و ( البـــBADERـــدر B.D.Q ) .. وأتحفوني بالاستضافة الممتعه ..![/align]
[align=center]
هذي أستضافتي لـ ( X 7oor S3od X ) :[/align]
1/كيف تقضي يومك برمضان..؟ بإختصار ..؟
امممم يومي برمضان دردبيس 
ماعندي وقت شاغر أبد ..
2/ ماهو الطبق المفضل لديك على مائدة رمضان؟
البيتزا بلا منازع : ) وكل اللي قدامي من خيرات محببه لي نحمد الله ونشكره ..
إلا اللهم الفطاير اللي تكون محشي بتونه 
نهائياً مااتقبله ولا اتقبل وجوده قدامي يالله لك الحمد
3/ موقف حصل معك "طريف" وأخر "محرج"..في رمضان اللي راح؟
والله مااتذكر شي حالياً ..
4/ وين تقضي رمضان هذه السنه ؟
مالي مراويح برمضان .. اقضيه بالبيت ومااطلع إلا للضروره القصوى < مسجد سوق خخ
يعـني زيارات للناس ودبتسه مااافي ..
هو صحيح بيتنا ماتفضي من الناس وهذا داخل وهذا طالع بس انا ماأطلع ..
5/ هل محدد لك وقت لدخول النت في رمضان....؟
لا مافي وقت محدد ..
الوقت اللي اكون فاضيه ادخل نت .. بس الغالبيه بعـد الفجر إلى تسع تقريباً ..
6/ شخص وجوده على سفرة رمضان غير..من هو؟ "غير الوالدين..لانهم هم الاساس ؟
بما انك قلت غير الوالدين ..
فـ/اخواني وخواتي الله لا يخلين منهم : )
واهم شي جودتي يالبى قلبه هالبنت ..
7/ ما هي الوجبة اللي تجيدين طبختها ..؟
امممم كثير والله اللي اجيد طبخه ولله الحمد والمنّه
8/ ماهي الوجبه المفضله لديك عند السحور؟
والله السحور اي شي يطيح بيدي هو سحوري
بس الغالبيه سبع تمرات وكاس حليب والحمدلله والشكر : )
مااحب السحور يصير ثقيل ..
9/ ماهو افضل برنامج إذاعي أو تلفزيوني لديك .؟
مافي شي مفضل ..
اللي قدامي اتابعـه متى ماقمت منه : )
ولا لي شي محدد اتابعه برمضان ..!
10/ ماذا تتذكري من ايام الطفولة في رمضان .؟
امممم والله حالياً مااتذكر شي
متدوكره هالأيام وكل التفكير بالعـيد وحوسته
11/ وجهي الدعوه لثلاثة اعضاء من المنتدى للفطور معك ؟
مشرفة الزوايا سكون + وضوح + سيمياء + بنت البدائع + < قال ثلاث ماقال درزن
12 / ما هي احلا لحظآت الصوم ؟
الصوم بكل حلاته حلو
بس الأحسن هي اللحظات الروحانيه وقت آذان المغـرب 
*
ملاحظه / كلمة احلا اللي بالسؤال تكتب ( احلى ) يعني الألف مقصوره وليست ممدوده < اقول لا يكثر .. جاوبي وانتي ساكته بس
13/ كم ختمه من القرآن تستطيع ان تختميها خلال الشهر الفضيل ؟
مره وحده والله يقبل بس
14/ هل تتذكري اول رمضان قمت بالصيام فيه ؟
والله مااتذكر متى بالضبط .. بس من ايام الإبتدائي وتقريباً سنه ثاني ..
خبرك الوحده تصير طافه بالصوم اول مايبدأ رمضان : )
15/ كلمة أخيره تودي التكلم بها ..؟
لكل اللي هنا من اعضاء وعضوات
اتركوا عنكم القذف والاتهامات والظلم والتبلّي على الناس البريئه والمسالمه
ترى من دق باب الناس دقوا الناس بابه ..!
وعين الخالق ماتنام لو نامت عيون خلقه ..
شكراً عادل على الإستضافه
[align=center]*************[/align]
[align=center]وهذه أستضافتي لـ ( البـــBADERـــدر B.D.Q ) :[/align]
[align=center]
1/كيف تقضي يومك برمضان ..؟ بإختصار
ياطويل العمر اتسحر واجلس على النت تقريبا ساعتين .. بعدين اصكه نوم الى قبل المغرب بربع ساعه افتح للشباب افطر انا واياهم .. بعدين نجلس سواء الين تقريبا الساعه 10 بليل ..اطلع اداوم الين قبل السحور بساعه ..وكذا كل يوم
2/ ماهو الطبق المفضل لديك على مائدة رمضان ؟
خليه النحل .. بس للاسف ماعمر اهلي سووه الا وتعلدز
3/ موقف حصل معك "طريف" وأخر "محرج"..في رمضان اللي راح ؟
طبعا اغلب المواقف تصير مع اخوياي .. اكثرهم مدخنين واذا صاموا خلاص تتنيح وفهاه بشكل عجيب .. فا كثير من المواقف الي تصير لكن للاسف ماتنقال
4/ وين تقضي رمضان هذه السنه ؟
للاسف في الرياض
5/ هل محدد لك وقت لدخول النت في رمضان ....؟
بصراحه لا لكن متى ماحسيت اني طولت ومليت شوي ..اسكر النت وهوبا على فراشي << هوبا ايقال عمره 12 هه
6/ شخص وجوده على سفرة رمضان غير..من هو؟"غير الوالدين..لانهم هم الاساس" ؟
اخواني واخواتي الله يخليهم لي .. وخليه النحل الي عيت تجي
7/ هل سبق وطبخت لو طبق واحد برمضان ؟
هه طبق واحد
<< طابخن 22 طبق الى الحين .. ام العيال ماطبختهن ببيته
8/ ماهي الوجبه المفضله لديك عند السحور ؟
لبن
<< يتسحر لبن وشوي رز ويتنح ههه
9/ ماهو افضل برنامج إذاعي أو تلفزيوني لديك .؟
خواطر بلا منازع
10/ ماذا تتذكر من ايام الطفولة في رمضان .؟
اتذكر ببدايه صومي تقريبا وانا بعمر 10 او 12 .. كنت انا وولد عمتي بالمزرعه .. والكلاك اشوفه كل شوي يتمضمض .. ولا يعطش ولا شي .. وانا ماغير هاجن خشتي من الظما
وكل ماسئلته وشولوه تمضمض يقول انظف ..طبعا الكلاك طحت به يشرب ويلعب علي ايقاله يتمضمض .. بتقولون وشلون طحت به .. شفت البلعوم حقه يتحرك ووكفشته ..وطبعا بديت اتمضمض مثله ههه
11/ وجه الدعوه لثلاثة اعضاء من المنتدى للفطور معك ؟
وانا اخوك ثلاث اشخاص ماتكفيني .. لان الي معزتهم ومقدرتهم عندي كبيره بهالمنتدى مايكفيها ثلاث اشخاص
12 / ما هي احلا لحظآت الصوم ؟
لا افطرت هه
13/ كم ختمه من القرآن تستطيع ان تختمها خلال الشهر الفضيل ؟
الله يقدرني ان شاء الله اقدر اختمه اكثر من مره
14/ هل تتذكر اول رمضان قمت بالصيام فيه ؟
بالضبط لا .. بس اكيد اني وقته كنت صغير << برى هه
15/ كلمة أخيره تود التكلم بها ..؟
شكرا اخوي عادل على الاستضافه .. وان شاء الله اكون ضيف خفيف ظل على الجميع .. واتمنى من العزيز الجليل ان يغفر للمسلمين ماتقدم وتاخر من ذنوبهم ..ويبدلها حسنات
اخوك بدر[/align]
[align=center]
***************[/align]
[align=center]
( X 7oor S3od X ) ( البـــBADERـــدر B.D.Q ) .. الله يعطيكم العافية على تلبيتكم لدعوتي .. أسمتعت كثير بأستضافتكم ..![/align]