ما هي الهواية التي تمارسها في رمضان؟
هوايتي الرمضانيه لهذا العام
البلووووت
هل تشارك في إعداد المائدة الرمضانية ؟
نعم وتخصص عصيرات
وما هي وجبتك المفضلة في رمضان ؟
المكرونه بالبشمل والسمبوسه والشوربه
ما هي قناتك المفضلة؟
m b c
ما هو أفضل مسلسل شاهدته؟
ليله عيد
زواره خميس
من نجمك الكوميدي المفضل؟
ناصر القصبي
و
طارق العلي
أمنية لم تحققها في رمضان الماضي وتتمنى تحقيقها هذا العام ؟
العام تمنيت اني اادي فريضه العمره والحمد لله اديتها السنه هذي
أول مرة تصوم فيها ، كم كان عمرك ؟
ما اتذكر بس اتوقع 9
هل كانت تجربة الصيام في الطفولة صعبة ؟
نوعا ما
هل كان صيامك طوال النهار ؟
نعم
من شجعك على الصيام في الصغر ؟
الوالد والوالده اطال الله في اعمارهم
موقف طريف لك خلال رمضان ؟
في ليله من ليالي رمضان الحالي كنت العب لعبتي المفضله(البلوت)بعد التمرين مباشره من الساعه1 في الليل المهم فريق قايم وفريق قاعد وعبدالعزيز اليوم هذا الحض ضارب عنده جات الساعه 2:35 واحد من العيال نط في وجهي وقالي اخر قيم اذا فزت انزلك ذبيحه سحور والعيال يقولون لا ما يمدي مافي وقت وانا الي تمسك على الرز واللحم واقنع العيال قالو بالله بسرعه هم التهو بالبلي ستيشن ما حسو بالوقت المهم وصلت النشر 149 لنا و 144 لهم وهو خايف لا يدفع حق الذبيحه وانا خايف لا تروح علي الذيبحه المهم ربي اكرمني بورق طيب وفزت واشوف الساعه الا هي 3:15 واشغل ونروح الناضج قالو خلص ونروح الرمنسيه قالو خلص ونروح المكي قالو خلص قلنا اخر امل لنا واكيد بنلقا ونوجه على مطعم بخاري وقالولنا خلص قلت يا عيال عطوني قطتكم واجبلكم سحور كويس وانتم اسبقوني على المجلس قالو طيب بس ما نبغى شريكات الي هي (ماك- هرفي-كن تاكي) المهم واخذ القطه واناضر الساعه 3:35 باقي نص ساعه على الاذان ادور مطعم الا واشوف سوبرماركت واقول في نفسي لوزين في اليد ولا ذبيحه على الشجره واقضيلهم لوزين ومشكلهم جايبلهم بالزعتر بعد
تناول وجبة الإفطار يكون مع من عادة؟
مع الاهل والاخوان
هل سبق و أن قضيت رمضان خارج المملكة ؟
لا
هل أنت من متابعي شبابي نت ؟
انا عضو في الموقع ولي مشاركات وليست متابع فقط متواجد طوال تصفحي بالأنتر نت
ستقيم مائده افطار ويلزم دعوه 3 اشخاص من سيكونون؟
أنتم الآن في منعطف خطير في طريقكم للوصول لنهائي دوري أبطال آسيا ..
انا الي اعزهم واغليهم والي يعزوني ويغلوني كثير فاصعبه اني اعزم كم شخص واترك الباقي
ما هو تقييمك لجاهزية الفريق للوصول لهذا النهائي وخطف الكأس الأغلى آسيوياً ؟
بالنسبه لي تحضيرات لي البطوله الاسيويه وهي تعتبر اقوا بطوله نشارك فيها هذا الموسم اكيد راح يكون استعداد قوي خاصا ان المباراة الاولى خارج ملعبك
نسعى جاهدين اننا نعكس الصوره الي ضهرنابها في بدايه الموسم وان الفريق الحين تقريبا اكتملت عناصره والانسجام يزيد من يوم عن الثاني وبوقفت ابو الوليد معنى وبكل صراحه وجود هذا الرجل العضيم معنا اكبر حافز لي اللعيبه
كلمة أخيرة توجهها لأعضاء منتديات شبابي نت
اعيد واكرر شكري لكل من يسعى لخدمه هذا الكيان واشكر جمييع اعضاء منتديات شبابي نت الذين يوافون الجماهير الشبابي باخبار النادي واخبار الاعبين وان شالله انا قد وعدتكم بان تشوفون عبدالعزيز كل يوم افضل من اليوم الي قبله وانا عند وعدي ان شالله وانتم ما ابيكم توعدوني ابيكم توعدون الفريق خصوصا في وقتنا الحالي لان حضوركم هو الداعم الاول والاخير لي اللاعب في ارض الملعب وتقبلو تحياتي
اخوكم
عبدالعزيزاليوسف
26
--------------------
في الختام نشكر الكابتن عبدالعزيز اليوسف على قبوله الدعوه
ونتمنى ان يكون الجميع استمتع بالحوار الرمضاني الشيق
الكابتن عبدالعزيز اليوسف ضيف سهره مع نجوم الليث في رمضان