[عادل الحبيتر]

أقتباس :

اقتباس: والله متلخبطه عندك الامور .. وش دخل الدين بكلامك هذا .. انا وكل اللي معي .. طبعا صديقاتي وخواتي ماحنب عجز بس نحب نقعد بآخر الصف منشان نتسند ع الجدار .. هماو بسم الله علينا .. تف تف لايحسدوننا .. همانا كل الوقت بالمطبخ مو مثل غيرنا مدلعين .. نكرف من قومتنا ولاتثني رجليننا إلا للصلاة .. منشان هيكا نحب نتسند ع الجدران ..

[align=center]
حتى أنا سمعت أن بعض الحريم أذا جن يصلوا يصلوا بااخر الصف بمصلى الحريم ويتركن الصفوف الاولى .. ههه اجل من الكرف علشان تتسندون على الجدران .. ايه انتم هين .. لكن بعضهن يفهمن الأحاديث غلط ويفسرن الاحاديث على كيفهن .. علشان كذا ..!


وعلى طاري السالفة ..

هذا واحد متزوج وحده من برا بريده .. طبعا متزوج وحده من محافظة جده مدري المدينة المنوره .. لاني مو متأكد من وين .. طبعا متزوجها قبل 7 سنوات تقريبا .. عاد هو جابها وسكنها بديرته ببريده .. عاد في احدى المرات . صار فيه احد الدروس ( المحاضرات الدينية ) في دار نسائي .. عاد هي فرحت كثير وقالت لزوجها ودني للمحاضره .. لانها هي تحب المحاضرت الدينية .. عاد صادفت صارت لابسه ملابس كموم قصيره الى حد الكوع .. والباقي حاطه فوق شيفون .. وباقي اللبس لابسه ملابس واسعه ومحتشمه .. عاد يوم دخلت للمحاضره وجي كل الحريم ينظرونها بنضرات أستحقار .. وابتدوا يشوفون لبسها وجي تجلس بالمحاضره . وماش ما أرتاحت لأن أغلب الحريم يطالعون فيها .. عاد اللي جالسه بجنبها قالت للمرأة أتقي الله .. ليش تلبسين نص كموم وياويلي أستلمتها بالنصائح .. عاد وجي تجي لمها وحده ثانية ومسكتها . وقالت لها أتقي الله ليش تلبسين لبس عاري وذكرتها بحديث ( كاسيات عاريات ) .. طبعا هذي يوم شافتها تفسر الاحاديث على هواها عرفت ان اللي تنصحها مامن جاده ..
المسكينه المرأة اللي جايه للمحاضره .. ما لبست ملابس غير ساتره .. بس لابسه نص كموم عاد اللي بالمحاضره يقولون لها أنك لابسه ملابس عاريه ..
طبعا المرأة هذي ما تحملت هالوضع وجي تتصل على زوجها وقالت تعال خذني ما أبي أجلس مع هالحريم ذولي .. عاد وهي تنتظر زوجها .. واثره فيه وحده جالسه بجنبها .. عاد بدت تسولف معها .. وأستانست المرأة هذي أنها لقت وحده غير الحريم اللي هبلوبها .. عاد تقول انها عسوله اللي تسولف معي .. المهم جاء زوجها وقالها تراي أنا عند الباب .. عاد وهي تلبس عبايتها وجي اللي تسولف معها تشوف شكل عبايتها .. ويوم شافت أن العباية ( عباية كموم ايدين ) وجي تستلمها نصائح .. وتقول حرام عليك تلبسي عباية بكموم هه .. عاد تقول ليش حرام علي .. وانتي شايفتني لابسه عباية مخصرة أو أيش شايفتني .. هي أستغربت كيف تنصحني وأنا لابسه عباية واسعه .. بس يوم شافت العباية فيها كموم أيدين وجي تنصحها ..
عاد يوم طلعت وركبت مع زوجها قالت لها أيش هالمجتمع اللي جلست معهم .. شافوني لابسه نص كموم وقالوا لي انك لابسه ملابس عاريه .. وشافوني لابسه عباية واسعه ويوم شافوا العبايه ( عباية كموم أيدين ) .. أستلموني بهالنصائح ...!
عاد هالمسكينة المرأة هذي كل ماجت تروح لأهل زوجها تقول لزوجها .. هاه وش رايك بملابسي هذي زينه البسها لأهلك او لا ههه خايفة يكونوا اهل زوجها مثل اللي شافتهم بالمحاضره .. !

عاد قالها زوجها .. ليش ما قلتي أن تفسير معنى ( كاسيات عاريات )

الأول : كاسيات عاريات اى تلبس المرأة ثيابا شفافة خفيفة تشف هذه الثياب ما تحتها فتظهر المرأة وكأنها عارية،

التفسير الآخر : أن المرأة تلبس ثياباً ضيقة فتظهر تلك الثياب مفاتن المرأة تماماً وكأنها عارية تظهر كل مفاتن المرأة


وقال لزوجها كان قلتي للحريم اللي نصحوك أن لبس نص الكموم ما يدخل فيها التفسيرين ذولي ..![/align]




[align=center]****************************************[/align]




[align=center]في المدرسة أو الجامعة نتعلم الدروس ثم نواجه الامتحانات[/align][align=center]
أما في الحياة فإننا نواجه الامتحانات ثم نتعلم منها الدروس[/align]




[align=center]****************************************[/align]




[align=center][/align]


[align=center]
هذا عامل مزرعتنا .. أدعوا له بالشفاء العاجل .. بحياتي كله ما قد شفت بنقلاديشي مثل هذا .. مخلص بشغله وحريص كل الحرص .. طبعا هذي صورة التقطتها لوداعه .. لانه راح يسافر خروج نهائي لبلاده .. طبعا هو يبي يسافر لانه مضطر .. لانه مرض مرض شديد ودخل للمستشفى كم مره خلال الشهر هذا .. عاد قرر أنه يسافر نهائي لانه غير قادر على مواصلة العمل .. عاد وأنا راجع الظهر قلت علشان أعطيه أي شي أكراميه .. وجي القاه يمشي على رجلينه رايح يسلم على أحد أصدقائة قبل ما يسافر وجي أوقف عنده وأسلم عليه وأودعه ..
وما شاء الله عليه يقوم الفجر ويكرف بهالمزرعه .. وأحيانا أتصل أذا بغيت منه شئ أتصل عليه وأقوله أبيك تسوي كذا وكذا وعالطول من غير تردد يسوي أي شئ نطلبه منه .. وحتى عمارتي اللي أعمرها أنا من يوم بديت أبنيها لمين خلصت من بنائها وهو يرش التلييس باليوم مرتين الى ثلاث مرات .. طبعا يرشها من غير ما قلت له .. وأحيانا أذا سويت أي شئ مثلا يكون ما عندي خبرة بهالشئ .. ينصحني ويعطيني من خبراته .. وأحيانا أذا صار فيه عزائم يجي يغسل الفناجيل وينظف المكان من غير ما نقوله سو كذا وكذا ..ّ! الصرااااحة روعه هالعامل .. وراح أفتقده ..! ( ربي يشفيك ويبعد عنك المرض يارب ) ..! [/align]




[align=center]****************************************[/align]




[align=center][/align]


[align=center]
.. قد أكون يا سيدتى .. ضعيف هائم في مشهد حضورك وأرى مفرداتي قد فقدت سبيلها من أعماق قلبي إلى مسامعك .. ضاع منها الطريق في زحام الحياه .. قد يكون صمتي أثار حنقك وتلعثم الحروف على طرف لساني أفقدك الشعور بالحب قد تكون نظراتي بريئة إلي حد السذاجة ما استطاعت يوما أن تحرّك سكونك لم تحرّك شجونك لم تغتالك لم تصل لقمم جبالك لم تذيب جليدك .. قد أكون أيها الحب فشلت فى الوقت المناسب
.. ولكن لن افشل في أن أشعركَ بأنني رجل .. يكسّر الحدود .. ويلغي الحواجز .. كي يعود
وسأعود .. أعدك .. سأعود فدعي قلبي ينال عقابه فترة ذهابه وحتى إيابه ..![/align]