[align=center]أمي يا غلا الدنيا وأصدق عاطفة في الكون
وأدفى حضن يحضني وأكبر قلب يحويني
أنا بك دنيتي جنّـة
سواليفك مطر و مزون
وضحكاتك ربيع أخضر
زهوره فتحت فيني
اذا شفتك ارى الدنيا
صبـاح بالفرح مسكون
واذا غبتي عن عيوني
يغيب النور عن عيني
أنا يا امي ترى ما أوفيك
ترى ما أوفيك مهما يكون
جميلك دين في عمري
وربي بك موصيني
ومهما عشت لك وافي
بظل الوافي المديون
لأنك روح في قلبي
ودم في شرايني
أمي يا غلا الدنيا وأصدق عاطفة في الكون
وأدفى حضن يحضني وأكبر قلب يحويني [/align]