مرحباً بكم ياشباب من جديد واشكر الكل على التفاعل امس وقبله ومن يوم عرفت بالسالفة وحصلت لي القصة نفسها بدأت أداوم في بريك كفي واحذر الشباب هناك حتى أحرجتهم وارادوا طردي عن بريك كفي لكني ذهبت للمسؤول وقلت له هل شركة كويست نت متعاقده مع هذا المقهى ..؟ قال لي لا هم يجيبون زبائن فقط وليس له الحق في طردك بديت احوس وادوس بينهم ويشوفني بحقد واضح وأخذت أسماء وارقام وسويت ضجه واحتفظة بأشياء هي من سيوقعهم بالقريب العاجل بإذن الله ولي موضوع كامل عن هذا سيضم كل شي الله يوفق يارب ذهبت إليهم امس وكأني (غبي) (مغرر بي) (جاي على وجهي) جميع الصفات الغباء طبقتها والحمد لله أكلوها كان موجودين 7 اشخاص في الجلسة وانا انبسطة من هذا صراحة وكل ماكثر العدد كان أفضل بالنسبة لي وشي شفته بعيني في تحقيق خطوة في المره الأولى انني نفرت 4 أشخاص واوقعتهم بالاحراج وذهب الزبائن او المغرر بهم من بين أيدهم اصبح اسمي بينهم اجتمعنا ولم يكن احد يعرفني وكنت لابس غير لبسي الأول واتصدد جلسنا وبدأ يشرح (بالملي نفس الشرح الأول) يعني الدعوى حفظ فقط لما انتهى كلمته عن شركة مايكرسوفت وبعدين ثاااار الرجل وطار عقله وقدم وغير جلسته الشباب من حوله قالوا له على هوينك لاتضرب الغما ويطيح عقالك الرجال سألك سؤال فقط قال لكل مقام مقال قلت طيب انت تقول مايكرسوفت والفيفا ونوكيا متعاقدين معها اثبت لي وندخل على الموقع كالمره الأولى ولم نجد شيء كنت حافظ الموضوع هذا بالمفضلة للمرجع يعني والفيفا لم نجد ونوكيا كذلك احرج الرجل قلت انتم لكم سجل تجاري قال مادري بس ما اعتقد الشباب جلسوا يضحكون قلت طيب سؤال اخر اين مقركم قال لايوجد لنا مقر اشتد الكلام بيني وبينه لا اريد ذكر اسماء لاني أعلم انهم هم أيضاً مغر بهم فهي محفظة عندي لوقت الحاجة جاء صاحبنا الاول وجلس بعدين جاء واحد ملتحي مقصر ثوبه وقال للمدرب تفضل انا اجلس بدالك اوناقش بدالك جلس بجانبي مباشرة قالي هات أسألتك أعطيته كل شي ولم يجاوب على اي سؤال كلها لف ودوران الآن 6 أشخاص يستمعون جاء من كان في الجلسات الجانبية ليستموعوا لحديثنا (بعد مارفعت صوتي أنا وقلت ) نصابين تاكلون أموال الناس بالباطل قالي قصر صوتك تلعثم وقلت له هل لكم سجل تجاري ؟ قال نعم في جدة قلت ممكن أشوفه قال اجيبه مو موجود قلت وش اسم السجل ..؟ قال (كويست نت) قلت النظام في السعودية لايمكن ومستحيل يتم تسجيل اسم أجنبي هنا الشباب ضحكوا قال هي موجوده قلت انت تعمل في شركة لاتعرف ما اسم سجلها (طبعاً هو الكنق في المقهى) ومعروف جداً يدور لم الشباب واي واحد ياكل مطب يجي هو كدرع يقف في وجه السال .. لعله أكل مقلبي أنا معه الشباب المدربين الأثنين قلت اوكي عطني اثبات الفيفا ونوكيا ومايكرسوفت قال اجيبها لك متى ؟ قال بعدين قريباً طيب موجوده بالنت ..؟ قال نعم واطبعها طيب رح أطبعها ولا وريني وينها وانا اطبعها قال بعدين لأن اللي يعرف للشغله مو موجود قلت له انت ماتوقعت في يوم انه احد راح يسأل هذه الأسئلة ..؟ قال لا مو بالاسئلة العادية هذي لكن انت مكبر المسأله كبير جداً (الشباب مازالوا يسمعوا الكلام) قلت شركة مالها مقر ولا سجل وتاخذ المبالغ نقداً ولا أعرفك ولاتعرفني ولا فيه اثباتات انكم متعاقدين بالفيفا ولا مايكرسوفت وانت تقولي لنا سجل وخويك يقول لا مالنا سجل وكلامكم متلخبط وتبغاني أقتنع ..؟ وين يالحبيب ..؟ قلت له طيب الفتاوى 4 من الشباب قالوا لهذا الملتحي وش حكمها الشرعي ..؟ قال هو حلال قالوا من ؟ قال لاشبيلي ==>> أستانست انا يوم قال الشبيلي قال اكيد قلت أنا (خطمت عليهم) قلت لا الشبيلي يقول حرام والشيخ سلمان العوده كذلك قال هو مادام الشيخ سلمان فالحكم واضح سلام عليكم وذهبوا كلهم الحمد لله قال هو ليش تتسرع وكلامك غلط (مايقدر يرفع صوته) قلت هات ماعندك ويبدأ يلف ويدور ويجبلي مثال للاراضي وغيرها وانا سألت الشيخ وعطاني نفس الكلام انهم يضربون هالمثال هذا دائماً لكني كملت سؤاله .. وجاوبت عليهم بنفس الوقت وهو يشوف والشباب خارج الجلسه يسمعون قال انا جلست مع عدة مشايخ قلت ممكن أسماء قال لا ههه ليش ماتبينا نعرف الشيخ معقوله ..؟ قال الونيان قلت انت جلست معه قال لا الشباب (عدوا معي ياشباب) قلت طيب انا أبسأل الشيخ صالح الونيان واشوف قال لو تسأله بيقول مادري قلت ليش ؟ قال مايعرف الحكم الصريح لها قلت كيف أفتى لك ؟ قال مو لي للشباب اما انا جلست مع مشايخ (جابلي اسم غريب جداً) قلت عطني رقم الشيخ هذا اكلمه قال لا هههه قلت منهو هو شيخ معروف ؟ قال لا هو طالب علم قلت من وين متخرج قال هو بالمستوى الثامن بالشريعه قلت عطني رقمه اكلمه قال هو قريبي مايحتاج الشباب قالوا ليش انت تخفي شي عندك قال لا بس هو يسأل أسأله غريبه هل سؤال اطلب اسم الشيخ المفتي .. غريب ؟ الحمد لله قلت طيب وش اسمك ؟ قال ابو فلان قلت اسمك قال ابو فلان اسمك اسمك يارجل قال فلان الفلاني (على مضض) وانا وصاحبي نسجل بالدفتر اي كلمة او اسم يقوله قلت طيب عندك فتوى على انها حلال ؟ قال نعم 8 فتاوى قلت هاتها اشوفها قال لا انت بالذات ما أعطيك اياها ولو أني عارف انه انت اللي جاي قبل امس والله ما استقبلك ولا اكلمك الشباب صدموه قالوا ليش ..؟ كشفكم يعني ؟ قال لا مومسأله كذا لكن انا علي أشرح للناس الجدد (قل ألعب على الناس الجدد) المهم جاء ثلاث مدربين ينتظرون النقاش خارج الجلسه امتدت الجلسة ساعتين ونصف بالضبط قلت هات الفتاوى قال لا قلت ليش قال انت بحثت بالمسأله ولا انت مقتنع ياخوي خلاص لاتشتري قلت والشباب اللي جالسين .؟ قال ايضاً هم لايشترون قلت والناس قال مالك علاقة بالناس قلت لا لي علاقة ونصف وسأحذر كل شخص مادام أنك لاتجيب لي هذه الاثباتات وترفض تعطيني فتاوى والسجل والمقر وغيره مادامك تقول اني داخل السعودية بشكل نظامي .. إذا أذهب وأوقفني عن الكلام بشكل نظامي ورسمي وسوف أقف غيره لو بح صوتي لن أقف وقريباً ستفضحون قال هو خلاص اجيب لك الفتاوى والاثباتات لكن بعد الحج لأن اللي معه هالاثباتات يبي يحج قلت لا بكرا السبت تجيبها قال يكون خير اخيراً قالنا انتم ناس غير واثقين وتفضل خارج الجلسه توكل على الله خرجت انا وصاحبي واجتمعوا ثلاث مدربين وانا جالس امر من قدامهم لعل احد يتعرض لي او يكلمني مريت 3 مرات ماحد عبرني وخرجت اتصلت مباشرة على الرقم رئيسه قال لا نحن ليس نظاميين ولا لنا مقر ولا سجل تجاري شلق بصل عاد من نصدق ياعالم ؟ هذا كله أختصار شديد جداً جداً واهم النقاط اللي مفترض يسأل عنها كل شخص ولاتغره مليون ومليونين قلت انت لك سنتين وسيارتك كحيانه قال هو صح وماحصلت إلا تقريباً 50.000 ريال في خلال سنتين قلت ليش خويك يقول مليون وميتين خلال 6 شهور او سنه غص عشرين مره بريقه واخذت رقمه وقالي اتصل علي عشان أخزنه عندي وللحديث بقية إن شاءا لله لدي مقابلة ايضاً هذه اليله بإذن الله