[محارهـ]

اقتباس:  المشاركة الأصلية كتبت بواسطة قـتـالـه     الله يهون عليتس بحزه من حزات ربي المباركه ياحيي .. اتهول وتطير عيوني من بعض مشاهداتكم اللي تشوفونها بالنخيل والعثيم وانا اروح وأجي ماشفت الا السحا هناك ! وياعين ابوي لبغيتي الشنبات اللي توقف عليها البسه شوفيها بالسوق الداخلي بعد ياعليهم لخس تقل ضاربك شوط كهربا برق مو عيون ! ويالباهم اللي احبهم بس لو يطولون الثياب شوي ويلبسون عقال كان أطلق اشكال بالدنيا وه بس ياانا أروح فيها من بعضهم اللي يجي وجهه تقل بدر من النور ساطعه فيه لحيته اما عن السحا فحدثي ولاحرج ياخزياه من اشكالهن يحسبن التطور تسذا الوحده تقل تشوفينها من ورا شبك دجاج من كثر الاسيام والتعليقات اللي هي معلقه بمكان حساس وعييييب ماادري وشلون مايتفشلن! وكلوه كوووم وغز الجوال كوم ماتقل جامعات اربع مكافأت علشان يحصلنه لو منهن اتفشل وادخله بالشنطه .. حتى عباية الكتف يلبسنها غلط وصارن لأشكال الشغالات اقرب ! ام طناقير زودنها حبتين وابعدن عن الرقي واقرب مالهن المسخره اذا بدن يتصاوتن وحده بأول النخيل ووحده بآخره ! انا تأسرني الرزه ام عنق وعبايه سودا ضافيه تهفهف اللي تحكي بثقه وبهدوء وحركاتها موزونه وشنطتها صح باين انها بنت نعمه ومع ذلك ماشهرت روحها!

وهـ بس ياناس

والله أني كل ما أشتبت تسبدي من بعض الردود الي تغرد بروما وناسيتن قبة رشيد

نكست على ردتس وسلطنت عليه وضحكت

أتصدقين من يوم الشوكولاه الصباحيهـ الي بحجم كتاب لا تحزن

ودعائك وانت عند جيرانك وقت قهوتكم وتطلبين من الله يقلبتس مصريه عشان مايقهوونتس

ويشربوكي أز و و زهـ

وانا أقولك أنكـ قتاله بــ مساييرك على مواضيع الخلق

, ,

ردكـ بصراحهـ فاصل أعلاني رائعه ومابوه غبارن عليه

مير بوه شويت ذريرات غبره

الذره الأولى / ورراه تطير عيونتس وماتشوفين شين , أجل السحايا ذولا وشم من لحيهـ

تراهم هم المحزئــين والملزئــين

ماعمرتس حاسبتي من كاشير وصكتس راتس من ريحت عطر تجيب الشمم عشانها

مخلوطه بأربع انواع كريمات للشعر ويالله يالله يصير شعروه سيسبان

وع طاري سيسبان ؟ تراي أسمع جدتي دايم تقولهـ واذا سألتها تقول تسذى تنقال للشعر الناعم وبس

ماتعرفين وشو المعنى الحقيقي لسيسبان ؟ جد والله ؟

وين وصلت والله أني ضيعت

ايه صح وصلنا عند شعر السيسبان

وطاق بنطلون جينز مع قوندره سموكي ( رسميه ) أم رأس تقل راس فرجار

والثقهـ يادافع البلى , مادري من وين ياخيهـ يجيبون كل الثقهـ هذي


ماعمرتس شفتي ؟ ؟