[عـــــســـــولــي]

اقتباس:  المشاركة الأصلية كتبت بواسطة قـتـالـه     عسولي ابوي بالعيد دربني على الذبح يقول انتي ارهف بناتي قلب وزعل يومني ماقدرت اجز راس الذبيحه مره وحده قلت يبه البلا بالسكين .. قال وانا ابوتس مايذبح رهيف قلب وانتي تنحرين جزي سنونك يعني اضغطي عليهن لين تسمعين طقة الجران ذبحنا اربع هو وحده تطبيق مهارات عمليه لقتاله والباقيات انا وهذاي اضرس مبطيه ماذبحت احد كل شوي اروح اسن السكين وارجع اكتب رد !!

على طاري البنات الشقرديات مرتن من المراريت بعيد الضحية وعمري كان عشر سنين كزتن امي لجيراننا اعطيهم يد بجنبها واومير اطق الباب وتفتح لي هاكالبنت ماسكة سكين تقل ساطور وايدينها دم وانا اجدع اليد عند الباب واهج وانا اصيح وهي تنادين تعال ياعسولي تعال ... وادخل لبيتنا وانا اصيح وتقعد تضحك امي قالت مالت عليك ..هذه منيره الشقرديه مايذبح ذبايح ابوها غيرها .
وتتصل علينا منيره وهي تضحك وتسأل عني وعن إذراقي وخوفي .
بس كل ماروح عندهم العب مع ولدهم نويصر عيني عليها عندي إنها تبي تمسكن وتلغدن.
لكن بنات هالحين يخافن من الصارور وشلون يبن يذبحن ........بس باينن عليتس إنتس دمويه وتحبين الدم . الله يعين اللي يبي يعرس عليتس .
شكله نبي نقرا عنه بالجرايد مقصوب .