هذا غير الثمان بيوت اللي بتدخلهم مستقبلا !! معروفين هالفئة .. ما يعجبهم العجب ولا صيام رجب .. والمشكلة تلاقين ولدهم ما يستاهل هالشقا .. ! فرجاء بدل ما تحرجون بنت الناس وتكلفون على الأهل ؛ لا تتركون عرس ما تروحون له ؛ ومن جهة ثانية بتشوفون 700 بنت وعسى تعجبكم وحدة .. ! ماأدري ليش ذكرت الزوجة اللي كل صباح تشوف غسيل الجيران ملوث وتتشمت فيهم عند زوجها .. وجاء يوم إلا الغسيل نظيف وقالت لزوجها مستغربه .. قال الزوج أنا اللي صحيت بدري ونظفت زجاج نافذتنا .. ! يعني بجد ياليت من يقول للبنات اللي دارت عليهم ؛ إن المشكلة من عيونهم مو منكم .. ! ثمان بيوت يا الظالمة .. ؟! يا ناس كلش إلا كسر الخواطر .. ! حطي بنتك مكان بنت الناس اللي جايه تشوفينها !! واللي يقهر تلاقين الموكب الملكي كله جاي .. أم وخالة وأخت .. !! وقسم بالله قلة ذوق وأدب .. ! وبالأخير يذمونها عند أخوهم لأنها أحلى وما يبون مرة أخوهم تصير أحلى منهم .. ! عمومًا .. من جد كلش إلا نفسية البنية ؛ وأتمنى من الأهل اللي تعرضوا لهالموقف يجيبونها للبنت بطريقة تبين إنها بالعكس مرغوبة كثير لكن التحليل الطبي ما ضبط .. أو الولد عنده مشكلة .. إلخ .. شكرا يا عذبة ..