888888
جلست أناظر تدوينتي السابقة ...
لقيت أني غلط بالحساب .. كتبت أن مقطع التسجيل يوم كان عمري (
22 ) في عام
1422 هـ
جلست أفكر وأعد بالحساب .. لقيت نفسي غلطان بالحساب
... الصحيح هو يوم كان عمري (
20 ) مو (
22 ) ...
على طاري الحسابات ...
أنا لا أجد صعوبة في مسألة الحسابات .. لكن أحيانا أخطئ في العد بالحسابات .. الصراحة أنا أعطف على جميع الموظفين اللي يشتغلون بقسم الحسابات .. وأقول الله يعينهم .. لأني أبصم بالعشره أن الأغلبية راح يكون لديهم عجز بالحسابات .. حتى اللي عنده خبره بالحسابات نجد أنه قد سبق له أن أخطأ في العد بالحسابات ...
وأنا أنصح جميع شخص أذا خيروه بوظفتين (
وظيفة بقسم الحسابات أو وظيفة بغير قسم الحسابات ) أنصحه أن يختار وظيفة بقسم غير قسم الحسابات ... حتى لا يواجه عجز كل نهاية شهر ...
أحد المواقف التي حصلت لأحد الزملاء ... يقول أنني ذهبت الى أحد البنوك . من أجل أن أسحب مبلغ وقدره (
15000 ) خمسة عشر الف ريال .. وبعدما ذهب الى موظف البنك . طلب منه أن يصرف له هذا المبلغ .. يقول وبعدما أعطاني المبلغ . خرجت ولم أقوم بعد هذا المبلغ . ركب السياره وذهب الى المنزل . ولما تفرغ . عد هذا المبلغ . ووجد أن المبلغ اللي معه (
30000) ثلاثون ألف ريال .. تفاجأ أن المبلغ أكثر من اللي طلب . ثم قام بعد المبلغ مره ثانية .. ووجد أن المبلغ يفوق المبلغ الذي طلبه ..
وبعد ذلك عرف أن موظف البنك قد أخطأ بحساباته وأعطاه مبلغ يفوق المبلغ المطلوب ..
يقول هذا الشخص . أردت الذهاب الى البنك من أجل أن أخبر موظف البنك لأنه أعطاني مبلغ أكثر .. لكن المشكله أن البنوك كلها أغلقت . لأنه لما صرف هذا المبلغ كان على نهاية الدومات بيوم الأربعاء ..
أضطر هذا الشخص أن ينتظر الى يوم السبت من أجل أن يذهب الى البنك لكي يسترجع باقي المبلغ ..
وبعدما قدوم يوم السبت . أنطلق الى البنك . يقول وبعدما دخلت الى البنك . وجدت أن الناس كلهم مصطفين في الطابور ... طبعا صافين طابور لأن هذي السالفه قديمه وقبل ما يكون في نظام بالبنوك من ناحية (
أنتظار الدور بالارقام ) ...
وعالطول هذا الشخص أتجه لموظف الصراف .. وعالطول الموظف قال لهذا الشخص يالله رح أمسك سراك مع اللي بالطابور .. يقول أنه هاشني وصاير أسلوبه زفت .. يقول أني قلت له بعدها .. أني أريدك بشئ ضروري .. قاله الموظف أوكي أجل أصبر لمين أخلص اللي اللي أمامي .. ولما خلص اللي أمامه . جاء اليه هذا الشخص وقال له .. أنك في يوم الاربعاء جيت سحبت منك فلوس وأني طلبت منك تسحب لي (
15 ) الف ريال . وأنك عطيتني (
30 ) الف بالغلط .. وهذا المبلغ اللي أخطيت فيه ..
بعدها موظف البنك عالطول طار من الفرحه . وقام وتأسف من هذا الشخص . لأن أسلوبه في البداية كان أسلوب سئ .. وقال أرجوك أعذرني . لأن يوم يحصل لي العجز ( النقص ) بالمبلغ كنت بحالة سيئة . لأني ما أدري كيف غلطت بالحساب . ويقول أن مدير البنك يوم شاف أني عندي عجز بالحسابات . يقول عالطول يحسب أني كنت قاصد هذا الشخص . علشان أبدأ أقسط لهم المبلغ شهريا .. وقاله الموظف أريد منك أننا ندخل أنا وانت للمدير وتخبره بالسالفه .. علشان تتضح له الصوره .. علشان ما يحسب أنه أنا اللي ساحب هذا المبلغ .. المهم دخلوا للمدير وأخبروه بالسالفه ...!
فعلا بحمد الله أنني لست موظفا بقسم الحسابات ...!