ماقلت لكم عقدة كل هلالي النصر ..؟
اذا النصراويين ماردوا او مامداهم عزيزتي يشوفون موضوعك
مايعني تأخرهم ان ماعندهم شي يقولونه لك انت وجماعتك ياخلفهم
يا أختي ملت العالم من هالاسطوانه والتكرار .. بجد انتم عالم ماعندكم
شي غير كحيلان..؟؟؟
كحيلان .. كحيلان .. ياليل دان كحيلان ...!!
مسبب لكم عقدة هالكحيلان ..
انا بجاوب على سؤالك الهام عندك هذا .. لكن قبل ما أجاوب لعلمكم
ترا موضوع وقضيه كحيلان مستهلكه للغايه .. ماهي جديدة لجل تعملوا
استفتاء هل / اللي عمله ويعمله كحيلان حضاري وإلا مو حضاري ؟
انتم بس تفتحوا جباه للخلافات وتقاذف قلة الذوق بينكم وهذا غرضكم من فتح
كل موضوع..يفتح لسب النصر فقط وادارته وتجميع صغار مشجعي الهلاليين أخذ
وعطا وافساد لأخلاقهم لتحويلهم لمتعصبين لوجهات نظرهم ..
وللإجابة على سؤالك عزيزتي انتِ وباقي أعضاء
نادي القرن
/
لا .....يا أعزاء
اللي عمله كحيلان لاشك إنه سلوك غير حضاري ..
لكنها ردة فعل سلبيه ممكن يقع فيها أكمل شخص على وجه الخليقه ...
مافي انسان في الكون يا أعزاء خرافي من الكمال ..؟
فيه شي واحد فقط اسمه : ضبط النفس
وهذي موهبه قلة من الناس وهبه الله اياها فمابالك بالرياضيين .؟؟
للعلم مع فائق الاحترام لكل رياضي متعصب ترا الانسان الرياضي
بشكل عام يبقى بعلقية مراهقين طول عمره ..؟
فكيف تنشدين ضبط النفس من رياضي متعصب .. لاتقارني بعبدالرحمن بن
مساعد - الشاعر -.. الامير عبدالرحمن رجل غير رياضي ..؟
ولا يعرف الرياضه .. ولا قوانينها... يدير فريقه رياضيا بمساعدة أحد وشرح أحد
هو فقط مدير ورئيس .. أما غالبية من يرشحون لرئاسة النصر هم
رياضيين...ناس فاقده أعصابها من الحماس ..؟ ماعندها ضبط نفس
ماعندها مجامله ماعندها حبة خشم ..
اللي عندها الصراحه .. والجرأة .. والحماس والوفاء لفريقها بكل شكل
وكيف فريق مهضوم حتى في حقوقه الماديه مرت عليهم أوقات
ماتجيهم رواتب ..كيف ياحبايبنا تبغوهم مايغلطوا ويتجاوزا
حدودهم عند الهزيمه؟
انتم يا أعزائي ماتعرفوا اللي يدور خلف كواليس الرياضه ...
انتم لكم اللي يعطيكم الاعلام فقط وعليه تحكمون ..
والاعلام اللي خلفه بشر توقعوا منهم أي شي .. أقلام حاسدة ... صحافيين خونه ..
كل هولاء هم من يشكل عندكم هذي الفكرة والخلفيه عن أي حدث ..
فاليت تكونوا مشجعين متزنين عاقلين محترمين للفريق الخصم في
كل حالاته..
كل التقدير والاحترام .