[حكايا حائرة]

.
.
(الإغتسال اللغوي) ..


اليوم .. كلمت أخوي بالرياض قلت له أبيك تدبر لي كتاب(الكامل في اللغة والأدب للمبرد) >> ابيه استعاره أخاف ما استفيد منه ..
بس ماش مشغول وصرفني مع انه ما قصر قال اشوف لك ان شاء الله ..

بس بما إني الصبر عندي صفررر لا صرت أبي حاجة كلمت أختي اللي ببريدة وقلت له ابيك تدورين لي بمكتبة بيتكم كتاب (الكامل في اللغة والأدب للمبرد)
قالت : وشو ..؟؟!! وش اسمه >> تقل تكيبرته علي مدري

مع ان اهلي كلهم يعاملوني فعلا على اني مثقفة وفاهمة وواعية .. واختي ذي بالذات ..

بس مدري وراه اليوم ! >> فاهمة غلط انا

المهم قلت له اسمه (الكامل في اللغة والأدب للمبرد) قالت وااوك مرة وحده ..؟!!

قلت ليش ..؟ يعني مو قده ؟ والا ؟؟

قالت لا بس أقصد انك تبيني أدوره بمكتبتنا وهي متواضعة ما فيها مثل هالكتاب >> مع ان مكتبتهم جدار كامل وفيها مجلدات كثييرة بس يمكن اللغة العربية مهضوم حقها فييها ..لأن زوجها تخصص تاريج وجغرافيا وخذ وخل يا مجلدات تاريخ المملكة ومدري وشو .. وهي دارسة بمعهد القرآن وتفاسير كثيررة عندهم غير الفقه و و و الخ الا ذا

المهم قلت له أجل أبي مشاري (ولده) يشري لي .. ابيه هالأسبوع >> تتأمر الأميرة وه بس يا حبي لأهلي بس
ترى لو آخذ رجل ما ينفذ لي كل طلباتي ابصيح >> احلفي بس
لا صارت الوحدة مدلعة عند اهيله عسى ربي يرزقه واحد يحبه ويحشمه مثلهم

عاد ان شاء الله ابطبق (الإغتسال اللغوي) .. واسبح واكرف هالضعف اللغوي اللي عندي .. ولاصرت نظيفة وأهبل علمتكم .. عشان تنغرون وتسبحون مثلي



.
.
.