رد النخله جب النخله قبل امس مريت واحد من الشباب ..عنده ابو سالفته سالفه ههه المهم تعرفون شايب ومتقاعد وفاضي ..والفاضي على قولتهم يدورون القلهي المهم كنت متواعد انا وخويي بمره نبي نخلص كم شغله ولازم يصير هو موجود لان الموضوع متعلق به المهم رحت للبيت ودقيت عليه وقلت اطلع انا عند الباب انتظرك جا خالد وركب السياره وصبخ بالباب ..( يعني تراي حمدز ومنغث ..وضروري تسئلن وتقول وش بك ) << خابر حركاته .. يغث تقل بزر قلت اول شي ادري انك زعل وحمدز بس الباب ماله دخل تكسره لا انزلك الحين قال ياخي وش اسوي ابوي ذا يانه يبي يهبل بي... يانه يبي يهبل بي << من حر مايوجس على ابوه كرره مرتين قلت وراه قال ياخي ابلشنا عند نخله بالحوس ان به من ريحه امه .. انه زارعته وهي مادرت ..لانه تقهوى ذاك اليوم وتحلت من العبس بهالتربات ..مادرينا الا انبتت ..وكل شوي انتبهوا للنخله امي انتبهوا له ..لقح النخله رد النخله ..اسق النخله خل النخله ..جب سماد ود السماد تصدق يابدر انه لا جا يفطر ويتقهوى الصبح بعز البرد يفرش الزوليه بجنب الحوض حق النخله.. واذا بك خير قل مابي فطور ..من حينه يتهدد علينا كاتبن وصيته بقلم رصاص وووده اليوم قبل باتسر يتبرى منا <-- يحتسي وبوه العبره ** صدز كل شي الواحد يتحمله الا ان شياب يبلشك عند نخله .. لا وليت به تمر ولا به رزق .. ذاويه مصفره شوفته تجيب الهم