[9R83T-GEEL]

مساء الخوف ياجدة
ياخذ بالجمال ارواح
ويرسلها الى الجنه

مساء الصبر والسلوى
مساء السيل الاصفر المجبور على امرة
يبلع كل شي حاضر
بشر ,اشجار ,حيوانات ,بيوت ,املاك,سيارات
ولا يبقي على قطعة

مساء النصب ياعادل
مساء السرقه يامسلم ..
مساء الثروة العظمى ..
مساء الصمت يا إعلام
يزينها لك الشيطان
وياكلها لهب دعوات وانت مازلت مثل ماكنت
معمي على جزا وبلوى ...
فــ يوم الوعد انا اقصد ولا الحين ...اجمع قد ماتقدر
واكثر مما قد تقدر
مثل الثعلب الخاين ياكل في غنم قومة ..


مساء الصوت بالخفيه
هذا الـ إنت فالح فيه
"فلان اليوم وصل مكة
فلان اليوم يرسل برقيه
فلان يتبرع بــ ثروة
فلان ياكل
فلان يشرب
فلان بينااام....


كذا يعني ..؟؟
هذي نهايه العشرة ..؟
تروح ارواح وتضيع ارزاق
تهد سيول ماترحم ارضينا ومساكنا
ولا نسمع ولا بأي فعل يطفي نار هالغمة ..؟؟


هنا السارق المسؤول
عن التصريف في جدة يملي جيبه الطافح
ولا يشبع ولا يقنع ..
ولا نلقى احد قادر يشيله من وسط اهله
الا يارب ياواحد
تصب فـ قصر كل فاسد سيول مالقت مجرى
وتاخذ حق كل طفل وكل شايب
ذنبه : ساكن بـ جدة
او عفوا :

بــ حي عشوائي في جدة