أنا ما عرفت من الاكلات الا هذي بس .. اللي هي ورق العنب . مع أني ما أحب اكل الورق .. لكن أحاول أتغصبه . لانهم كل أشوي أبو المصري . كل أشوي يقولي .. كول يا ابني ما تاكل بأه ... ههه .. يووووه مالي الا أكل حتى لو الاكل ما أتقبله . وش أسوي على الاقل أجامل ..
تغدينا وجلسنا جميع وبدأ يسولف علينا ابو المصري عن السعودية . وأتضح لي أنه ما سافر للسعودية . وأمنيته الوحيده أنه يسافر علشان يقوم بتأدية فريضة الحج . لكن غير قادر ماديا . وعمره قريب للـ
70 عام يعني (
كبير بالسن ) . ثم بعد ذلك صلينا العصر ولما قرب اذان المغرب .. قلنا لهم نبي نروح للمنصوره علشان نسكن بأحد الفنادق .. قالوا لنا ممنوع تروحون لانه لازم تنامون عندنا
. حنا لزمنا عليهم وأصرينا أننا ما ننام عندهم . لكن حلف علينا المصري أننا ما نروح للمنصوره وحلف علينا أننا ننام في بيتهم وقال لنا ناموا عندنا وأذا صار بكرا بالنهار روحوا مو مشكله ... طبعا أنا وزميلي بلشنا بعمرنا .. لأنهم حلفوا علينا أننا ننام في بيتهم .. عاد حنا جلسنا . ولما صارت الساعة 9 بالليل . حسينا أننا دايخين ونبي ننام . قلنا للمصري نبي ننام . وين ننام .. قالنا الغرفة دي اللي قدامكم دي الغرفة اللي ناموا فيها
.. أستأذناهم ورحنا ننام .. ماش أنا مشكك بالغرفه .. ألتفت على زميلي وقلت له ما لاحظت شئ بالغرفة .. قالي لا .. وسكت أنا . ونمنا بعد عناء السفر .. (
الساعة 9 ونص بالليل نمنا .. نمنا بدري ) .. أنا نمت بعد ولا أنتبهت الا بعد اذان الفجر بقليل .. صليت الفجر بس أشوا أني أعرف مكان القبله ولا كان بلش بعمري . ويوم صليت جلست أحوس بشنطتي وصحى زميلي . وألتفت علي وقالي : يا عادل .. قلت هلا .. قال لي أن الغرفة اللي نايمين فيها حقت الشايب والعجوز .. وااااو . قلت أحلف قال ايه والله .. قلت له وش عرفك .. قالي : أني يوم أطلع لدورة المياه بالليل . لقيت الشايب نايم بكنب الصاله . وعرفت أن الغرفة غرفته هو والعجوز ... واااو وش هالفشيله ههه ..
فشلنا .. لكن حنا معذورين لأنه هو اللي رافض أننا ننام برا البيت .. وأتضح لي أن البيت ما فيها غرف كثيره علشان ينام فيها الشايب والعجوز . البيت فيها (
مطبخ وصاله ومجلس وغرفة نوم بس ) وحنا محتلين غرفة النوم ههه ..
قلت الله يقلع أبليس على هالفشيلة . ههه ..
وبعد ذلك بديت أكمل ترتيب شنطتي . ولما خلصت من ترتيب شنطتي قلت أبفتح نافذة الغرفة علشان أشم ريحة الهواء .. ولما فتحت النافذه . وأثاري النافذه مطل على مزرعة ( أرز )
