مع ان الرجل غلطان وراكبه الغلط من راسه لساسه لكن ابعطيه شوي من الحق الحين هم قاعدين داخل السيارة ( مادري وراهـ تخيلت حمامتين يتهاوشن داخل صندوق كل وحده تقول حلي به انا اللي جايه أول ) المهم بما ان العصمه بيد الزوج وشايفتن وعارفتن نفسية زوجها ولا نعال ابوكريم (أعزكم الله) تاخذ وتعطي معه وتقرقر فوق راسه بما أنهم محشورين داخل صندوق يعني هي لاهي تقدر تلها بشي عن زوجها لمين تطيب نفسه وتقدر تاخذ حاجتها وطلبها منه ولاهو يقدر يطس عنها لمين تعتدل النفسيه اللي ماتزين غالباً إللا عند خوياهـ المفروض إنها سكتت لأن بعض الحريم سبحان الله يحبن ومنى أنفسهن إنهن يردن رغم علمهن بضعفهن ولاهن قادرات ينولن من هالقرقره والحضرمه شي يسوى هذا قبل كلمة الطلاق أما بعد كلمة الطلاق لو هي صبرت ربما تكون من غير شعور منه لغضبه الذي غطى على عقله وإن لم يؤخذ بها وقيل إنه يقع الطلاق تنظر للحاله الأخرى ربما أن الطلقه هي الأولى ويراجعها وتكون بينهم نفس وذلفت مع الطلقه ، وينظر لها بعد إذ نظرة رحمة وشفقه وموده (لاأحد يطلق زوجته باتسر وللاتقول مره لزوجها طلقني يمكن اللي بيننا نفس ترى انا اقول ربما يكون حل ) وربما هالطلقه اللي استعجل بها على _ الاقل هو داخل السياره لو صبر لحين وصوله للبيت _ اقول ربما هي خيره لها الدنيا مهيب واقفة عليه هو واللي فيهم خير لمرته خصوصاً عند المرض كثير لأن أغلب الحب والعطف والرحمه يتضح من الرجل لزوجته أثناء مرضها والمرأة دائماً حبّيّبّه في مرض وغيره . أقول يمكن هالرجل اطيب من رجل آخر على الأقل هو طلقها وهي اللي جدعت نفسها يعني مهوب اللي يبي يجدعها او ينزلها رغماً عنها أقول هو أفضل من اللي وقف عند طلعة الغاط واراد أن ينزل زوجته غصباً عنها ليلاً رغم ظاهره الذي يشير إلى صلاحه وحفظه للقرآن .. زوجتك وبذمتك تريد إنزالها في ليلٍ دامس في مكان خالي من الناس أين عقلك أين دينك ؟!! واقول بالأخير لهن الله يشفيكن ويعافيكن وينصركن على من يعاديكن ويبدلكن أزواجاً خير منهم والدنيا ماوقفت على هالكرب إخوتي أخواتي / آسف إن كنت مخشت خواطركم بكلمه سقطت بعلم مني لا إله إلا الله - الف من ذكره - اللهم صل على محمد